Menudo a anuncia gira cu su frontline original

Menudo, un di e prome bandanan infantil Latino, a anuncia cu e zomer aki, nan lo realisa un gira cu su frontline original na Mexico y otro paisnan di America Latina. Via rednan social, e agrupacion a informa cu nan lo haci un “tour” produci pa In Miami Productions, dirigi pa e empresario Cristina Bruan y lo bishita Mexico, Ecuador, Peru, Bolivia, Guatemala y Merca.

https://youtu.be/QLNZ8-1FH5k

Di acuerdo cu un comunicado, Rene Farrait, Ray Reyes, Robert Avellanet, Miguel Cancel, Sergio Blass, Rawy Torres, Jonathan Montenegro y Ruben Gomez ta algun di e integrantenan cu a anuncia pa e gira “40 años de Menudo.” E fanaticonan a pidi pa nan faborito manera Ralphy Rodriguez. Ta spera cu den e proximo simannan, ta anuncia e prome fechanan cu lo cuminsa e aña aki.

https://youtu.be/yv3D9x9NBIE

Menudo, forma na 1977, a alcansa fama internacional na principio di añanan 80, kibrando record di asistencia den varios pais. Cu mas di 20 miyon disco bendi y a graba nan exitonan den 5 idioma, e banda a logra hiba su musica na paisnan manera Hapon y Filipinas.

https://youtu.be/YXICoXuuyv8

Na 1996 e formacion musical a cambia di nomber y tabata te na 2015 cu a logra recupera esun di Menudo, cu cual a cuminsa un gira internacional como preambulo di loke lo ta e celebracionnan di 40 aña di e agrupacion.