Melvin Tromp: Prins Pedofil kier un palacio nobo

“Ta un mandatario no nifica cu Bo ta doño di Aruba tampoco cu Bo por haci y deshaci cu propiedadnan di pueblo. Na 2009 e gobierno di MEP tawata a punto di bende edificio di bestuurskantoor djis pa un dia di capricho. Awe na 2018 historia ta ripiti!”, asina Melvin Tromp, Vocero di Fraccion di AVP den Parlamento a duna di conoce.

For di fuentenan palpabel nos a compronde cu Prins Pedofil na Hulanda ta cla pa bende Arubahuis cu e deseo pa cumpra un palacio nobo pa e como Minister Plenipotenciario por haci su trabou miho. Algo cu nos ta categorisa mas bien como un capricho personal di su persona pa por mustra poder y su posicion temporal como representante di Prome Minister di Aruba den Conseho di Ministro di Reino. Loke ta di condena ta e hecho cu e edificio unda cu Arubahuis ta situa tin un balor historico pa nos pais y ta un monumento.

E ta incomprondibel con Gabinete Wever-Croes ta apoyando e idea ridiculo aki di Prins Pedofil pa cumpra un palacio nobo. Ademas di incomprendibel e decision financieramente no ta cumbini nos pais tampoco ya cu compra di un edificio nobo lo costa nos pais miyones di florin. Ta parce cu Gabinete Wever-Croes ta lubida di su promesa di campana y awor kier mustra poder di malgasta miyones di florin pa e capricho di un prins pedofil cu ta conoci pa hit & run. No mester lubida cu e mandato ta uno temporario y cu pueblo lo sa di huzga e actonan aki cu ta na desventaha di caha di pueblo.

Melvin Tromp ta bisa cu algo notable ta cu e persona aki no conoce e historia y e valor agrega con a yega na nos Arubahuis.  Un lucha sagrado cu hopi esfuerzo pa awe busca moda di deshaci di e edificio aki pasobra e prins aki no ni sa ki tempo e lucha di nos status aparte a inicia pasobra e a ridiculiza nos lucha pa yega na un status aparte cu según e lo a inicia den decada 80 esaki ta prueba di politiconan fly by night cu no sa nada pa loke ta nos lucha y Melvin Tromp ta bisa cu e ta completamente di acuerdo cu e periodista cu a reacciona ariba e Prins aki mustrando su persona pa e cuminsa traha y stop di biaha y inventa aventuranan inmadura manera e ultimo aki pa bende cas di Aruba.