Mayornan di Kyrenne Croes ta canando caminda di cruz pa haya terapia 

Kyrenne Croes a haya su mes den un accidente dia 27 di Februari. E mayornan Efrem y Zinnia Croes ta bezig cu un caso cu nan ta bay habri bek, mirando cu nan tin un video den nan poder. E tata, Efrem, a conta cu su yiu, despues di 3 dia na hospital, el a cuminsa hala rosea di su mes. A traha hopi duro cun’e. E tabata tin pia drechi hopi kibra, cual nan a logra di opera despues di 7 siman. Cu hopi pleitamento a opere, mirando cu nan a bisa cu ta waste of time, waste of money. E pia robes si a pega malo. Ta pasonan cu ta bay tarda su terapia. Ora cu e bay Colombia, nan mester bay kibra su pia, oper’e full di nobo, pa e cuminsa su terapia.

E mayornan ta canando delaster caminda. A bay AZV, ta bezig cu Gobierno, casi nan tabata 90% cla pa bay Colombia. Asina sigur nan tabata cu lo yuda nan. A haya yamada di AZV cu loke nan ta bay haci, ta manda un dokter for di Colombia pa Aruba dia 29 di Januari. E tata lo nenga rotundamente cu e yiu no lo drenta hospital bek. E confiansa no tey pa drenta.

For di Sero Pita pa Colombia, otro caminda e mucha no ta bay. Ta purba toch pa yama e tata bek, cu Colombia ta bay wak su CDnan y lo yama bek. E tata a bisa cu si e Colombia mira su scan, nan no por haci nada. Loke e mucha mester ta terapia. Awor aki ta wardando yamada, pero hospital e yiu no ta drenta bek.

E accidente

Ora cu un persona ta victima, AZV ta suppose di cubri’e. Segun Efrem Croes, polis a cera e caso, sin puntra testigo, sin wak video cu tin den poder di e mayornan. A cera e caso y no por haci nada. Un siman despues di e accidente e causante a traha un cita cu e tata, y cu e specialista di trafico. E tata tabata tey na e luga indica, pero despues ta ricibi un mensahe cu no a logra traha un cita cu specialista. Segun e tata, e specialista a bira malo net e dia ey y esey tabata straño. Como tata, mescos cu e causante cu tambe tin yiu, a purba di yega na dje na bon manera. Pero no a tende nada mas di e persona.

E caso

Segun e mama di Kyrenne, Zinnia, a pidi e causante pa trek in su palabra cu por causa problema despues. E no a bay asina, y di e manera aki a dicidi pa hinca e caso den man di abogado. Pruebanan tin. Pa casualidad a haya video di un cas cerca di e luga di accidente. Tin testigo. A base di esey, casi un aña caba a demanda. Poco dia pasa a haya e bon noticia cu e caso ta canando hopi bon. Probablemente e caso ta bay wordo habri. Cu e posibilidad cu awe mañan e surti lo contrario, cu ta beneficiario di e yiu di parti di seguro.

Ta haci’e no solamente pa e yiu, pero ta bringando e caso cu polis, pa tur hende. Mester pone un paro cu cada rato cos ta bay for di man. Polis mes ta bisa cu esaki mes ta bira un modelo pa e polisnan den futuro. Caso serio, ban traha serio cun’e.

No coy un caso cer’e lihe, segun e mama.

Autorisacion

Hues so tin e autorisacion pa habri e caso bek. Dus mester bay via hues, segun e mayornan.

Recuperacion

Tur biaha tin un adelante. Tin avanse. Segun e mama, e tin chens cu e tin wordo gedrain. Pero ainda tin mas pa drain. E punto principal pa sak’e for di e situacion aki, ta e terapianan intensivo. No tin therapeut pa comatose, no tin centro di rehabilitacion akinan. No ta dun’e espacio pa e tratamento akinan. Esey ta e parti di mas importante di mand’e Colombia.

E mayornan mes tabata traha cun’e. Mester abay un di dos paso, paso B. Pero dado momento dia no ta yega mas. Mas terapia haya, mas funcion e cerebro ta keda activo. Si e keda trankilo,e ta krim bek y esey ta e peliger cu tin awor aki. Na momento cu e celebro ta krim, e no ta haya espacio pa yena cu vocht. Loke ta activa y mantene e celebro activo, ta terapianan intensivo, cual no tin na Aruba. E mayornan mes a cubri esaki, di un pa dos ora, pero e ta costoso. E profesionalismo, e terapianan mas intensivo, ta afo bo ta hay’e