Mas y mas kiebro cu ladronicia den auto y dilanti cas di Comisario

Diaranson, pa mas of menos 4’or di atardi, un homber, kende na e momento ey a caba di traha na Bopel, a bin haya su auto, cu bentana na man drechi kibra. Ladronnan a reboltea den e pickup y a bay cu un DVD Player cu su screen. Esaki a tuma luga den Alablancastraat, na altura di cas di comisario di polis Trudy Hassell. Polis tabata tey presente y a tuma nota di e caso. Keho a wordo duna. Esaki ta un di e tantisimo ladronicia tur dia den autonan riba caya.