Dialuna anochi Polisnan di Strand Politie a wordo pidi na Brickell Bay. A drenta informacion cu e manager kier papia cu Polis mirando cu lo tin sospecho di marihuana den camber. Ora cu polis a yega eynan a papia cu gerencia. Nan a splica cu a sinti holor di marihuana parce den un of dos camber di e hotel.
Tabata kier pa Polis atende cu e guestnan. Polisnan a bay cu manager na e camber pa asina mira si e turistanan tey. Ora cu Polis a yega na e camber, a bati pero ningun hende tabata den e camber. Polisnan a bisa e manager pa yama ora cu e turistanan bolbe y atende cu nan riba e supuesto humamento di marihuana den camber.
