Mama Polis cu a tira atracador mata den porta di scol a haya reconocimento

Na Brazil un Polis femenino cu a tira un atracador mata a haya reconocimento. E atracador a wordo hiba pa Hospital  y na caminda el a fayece. Tabata trempan cu e agente femenino di 42 añ a bay hiba su yiu di 7 aña scol. E tin un yiu di 7 aña y otro di 2 aña. Diabierna esaki a sosode.

Mama Polis cu a tira atracador mata den porta di scol a haya reconocimento

Posted by 24ora on Sunday, May 13, 2018

E tabata  ademas wardando e porta di scol habri. E mama tabata liber y lo a forma parti di un celebracion di dia di mama na scol hunto cu e yiunan y mas mama. Tur mama tabata tey hunto cu nan yiu. Diripente a presenta un homber cu un tiki mas prome cu yega eybanda a comete atraco caba. Un señora cu tambe tabata canando a avisa cu e atracador of e ladron arma tabata yegando. Dimes e mama Polis para eyfo a prepara su arma di candela. Ora e atracador a yega cerca y saca e arma, el a bay tambe riba un mama pa ranca su tas. E agente a saca su arma reglamentario y los tiro riba e atracador. El a hala atras mientras e atracador arma a cay. Djey el a bay riba dje bek cu arma dirigi riba e atracador. A logra coy e arma di e atracador y asina bati alarma.

E atracador tabata tin un revolver caliber 38. Tur loke e polis a haci a wordo graba cu camara di seguridad den porta di scol. A base di tur loke a sosode, hefenan di Polis a duna un homenahe diadomingo riba dia di mama. El a bira un mama heroe den e caso aki. E hefenan di Polis hasta a splica cu tur Polis ta bay cas cu nan arma reglamentario. Y den un situacion asina nan tin obligacion di actua.

Sea ta negocia cu e atracador of ta bay den accion pa scapa bida. Den e caso aki e agente a bay den accion y e atracador a wordo mata. E agente mes a splica cu el a haci esaki pasobra diferente mama cu nan yiu y entrenan su mesun yiu para eynan tabata coriendo peliger cu e presencia di e atracador arma. E mesun siman den un supermercado tambe un otro atracador a drenta y eyden tambe tabata tin un Polis cu tabata liber y cu a Sali riba e atracador y mate mesora etre e rekinan cu comestible.