Diasabra 12:00pm di merdia Polis pasando riba e caminda grandi di Tanki Leendert, a para dilanti Bachue Jewelry unda a topa cu un caso di maltrato pisa andando. Mesora a solicita refuerzo mirando cu tabata un caso serio di maltrato. Mas unidad di Polis a yega pa restablece ordo bek.
A solicita Ambulance pa brinda asistencia na e victima y transporte pa hospital. A detene e sospecho na e sitio. A cuminsa un investigacion mas profundo di kico a sosode.
A resulta cu un tata a yega na un cas situa patras di e negoshi pa reclama e Padrastro di su yiu, esta e pareha nobo di su ex, pasobra e ta maltrata su yiu. Parce cu e Padrastro no a aprecia e reclamo y a dal e tata cu un bloki kibra su man. Polis a detene e Padrastro mientras e tata a bay cu Ambulance pa ricibi tratamento medico.
