Luna di Februari ta luna di Cancer

81
E Hefe DMAX
RBC Mortage
CMB Instant Deals 6%
24 ora App

Un biaha mas Departamento di Salud Publico tin su tema di siman. Jurette Croes, funcionario di e departamento di informacion y comunicacion di Salubridad Publico (DVG), a comenta cu e dia aki ta dedica na diadomingo cu tabata dia mundial di cancer, unda cu organisacionnan rond mundo pa trece concientisacion na nan comunidad riba e tema aki y tambe pa haci prevencion riba e diferente malesanan di cancer.

24ora Gana Cel

Departamento di Salud Publico e aña aki no lo bay laga solamente e concientisacion riba 4 di Februari, sino lo amplia esaki pa henter e luna di Februari. Luna di Februari lo bira luna di cancer unda cu tur siman lo trece un tipo di cancer padilanti den comunidad, unda cu lo informa comunidad riba e diferente aspectonan di e cancer, con pa reconoce, kico ta e sintomanan y con pa preveni.

Cifranan cu tin na departamento di salud publico riba e topico di cancer, ta indica cu un den cada cuater persona ta fayece pa motibo di un of otro tipo di cancer. Pa aña, desde 1999 te cu 2016, 138 persona ta fayece pa aña pa motibo di cancer.

Cancer no ta descrimina entre hende homber y hende muhe. E porcentahe ta mas of menos igual. Pa 85% di e personanan cu ta fayece pa motibo di cancer, 85% ta personanan riba 55 aña y 15% ta hende bao di 55 aña.

E prome luga den e top 5 di cancer na Aruba, ta cancer di cuero. Despues ta sigui cancer di e sistema respiratorio. Tres di cancer di pecho cerca e hende muhe. Cuater ta cancer di prostaat cerca e hende homber y na di cinco luga tin cancer di e sistema digestivo, cu ta e tripanan.

Pa e motibo aki cu e cifranan di cancer toch ta basta hopi, ta bay enfoca full e luna di Februari na e diferente cancernan y e siman aki ta bay cuminsa cu e prome topico cu ta cancer di pecho.

Otro siman, cu ta 12 pa 16 lo bay papia riba topico di cancer di tripa.

Di 19 pa 23 di Februari lo toca cancer na boca di matris y den e siman di 26 pa dia 2 di Maart lo toca e topico di cancer na cuero.

Pa loke ta e tema di cancer na pecho, a acerca fundacion BOB cu ta e fundacion cu ta encarga cu e chekeo di pecho, Croes a informa.

Comments

comments

Amerijet
Dragon Fly
Juju Events