Luis Oduber di WEB: Ta reuniendo cu RdA pa cambia pa fuel oil cu menos sulfur

Durante un conferencia di prensa cu a tuma luga hunto cu gobierno, Luis Oduber, director di WEB a splica cu nan a bin ta reuni cu Refineria di Aruba pa por cambia e fuel oil cu nan ta uzando pa uno cu un contenido mas abao di sulfur. Awor aki, a base d medicion, datonan cu tin den e fuel durante e ultimo 5 añanan, nunca a baha bao di 1.7%. Ta pidiendo awo aki, hunto cu e refineria cu uh siguiente cargamento di 1.5% di sulfur. Cu esey lo bay logra bah’e bao di e nivelnan actual y bao di e nivelnan durante cu tabata tin duante ultimo 5 añanan.

Paralelo cu esey ta cuminsa monitorea continuamente e ambiente, tanto na WEB y riba tereno di APA pa por mira realmente kico ta e contenido y kico ta e molester cu ta wordo ocasiona door di e huma y tambe e porcentahe y contenido. Alabes pa WEB tin datonan na WEB mes, pa loke ta direccion di biento y asina por traha mucho mas miho, den un miho coordinacion cu ASTEC y naturalmente bishitantenan di APA.

Cambio di contract

Tin cu menciona cu a base di e ultimo combersacionnan cu RdA, nan ta bay haci un yamado atrobe na e supplier. Nan tin un contract di dos aña pa e fuel actual. Nan ta bezig pa wak con ta cambia e contract cu e siguiente cargamento cu lo yega Aruba entre 16 pa 18 di Augustus. Cu e cargamento ey lo bay tin un concentrahe mas abao di sulfur. Pa e momento ey lo bay tin un duracion di mas of menos 3 pa 4 dia prome cu por cuminsa sinti e efecto di e cargamento di menos sulfur na WEB y consecuentemente na e area di ASTEC.

Ta bay midi mas continuo awor aki. Den pasado tabata tin midicion sporadicamente, durante luna di April y tambe durante luna di November a yega di haci midimento. Actualmente den e luna di Juli, no tin resultado of tin midimento cu a tuma luga. A tuma e decision cu ta bay pone aparatonan cu ta midi continuo, mas of menos 1 aña y kisas despues pa keda monitorea e progresonan cu ta bay ta logrando, cu e meta final a termino mediano ta evaluando un instalacion nobo di motornan Recipt y na momento cu e keda cla, lo bay over na switch e boilernan cu ta esunnan cu ta causante mayor di e huma cu ta sali for di pipanan. Na momento cu e motornan ey keda cla, por reduci e porcentahe di uitstoot cu 40+% mas.

E proyecto aki tin un duracion di un aña y mey y ta spera cu dentro di e siguiente lunanan dilanti por firma contract y a base di esey, 12 pa 14 luna despues, e motornan lo por bay den servicio y asina mehora motornan cu tin un miho combustion cu e boilernan actual. E lo reduci drasticamente e huma y naturalmente esey tambe lo bay yuda den eficiencia di WEB, Oduber a splica.