Recientemente un delegacion di Brazil Taekwondo a biaha pa Surinam unda nan a participa na e Surinam Open na Paramaribo. E delegacion consisti di 6 atleta a bataya contra di Corsou, Frans Guyana, Surinam pa e premio maximo. E tres atletanan di Cadet, 2 di Junior y 1 di Adulto tabata cla pa bataya contra e mihonan di e paisnan menciona.
Mester bisa cu e peleanan tabata di bon nivel unda nos atletanan a topa bon peleador. E hoben Joshua Klaber keda na di tres lugar bon pa un medaya di Brons despues di a cay venci contra Guyana Frances. E hoben Rasheeed Lowe si a gana tur su tres peleanan contra di Frans Guyana pa asina bay cu e medaya di Oro pa Aruba. Su ruman Hakeem Lowe tambe e logra medaya di Oro ora e tambe a mantene su invicto den e contra di Surinam, Guyana Frances y Corsow bon pa un prome lugar. E hoben Záhyon Klaber tambe ta gana dos pelea contra di contrincantenan di Surinam pa asina conkista medaya di Oro pa Aruba, mescos ta conta pa su ruman Jourde Klaber cu a san a gana tur dos su peleanan tambe contra di Surinam pa asina conkista e di 4 medaya di Oro pa Aruba.
Lotto semper a kere den e deporte di arte matrial unda cu nos atletanan cu ta praktica esaki ta yena cu bon disciplina, motivacion y sigur e gana di sigui logra cosnan grandi de bida despues. No ta pornada taekwondo sigur ta un di e deportennan revelacion di e ultimo cinco añanan riba nos dushi isla cu logronan internacional. Un pabien na Sr. Klaber y su muchanan cu e gran logra na Surinam.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
