Friday, 31 October 2014
James Hepple: Nos a wak tremendo mehoracion pa loke ta trata cooperacion y trahamento hunto cu polis Print E-mail
Sunday, 25 August 2013 19:46

jameshepple

Durante un bishita na Politiepost Noord diabierna pasa, Minister di Husticia Arthur Dowers a ricibi e yabi di e edificio completamente renoba for di James Hepple, kende ta presidi Aruba Hospitality & Security Foundation (AH&SF) y ta CEO di Aruba Hotel and Tourism Association (AHATA).

Tabata un momento hopi importante pa loke ta trata e relacion entre Cuerpo Policial y Ministerio di Husticia cu e sector turistico y hospitalidad en general. Esaki ta e resultado di un PPP (public private partnership) cu ta dunado excelente resultado pa ambos partido, unda cu AH&SF ta contribui cu recurso (material y fondonan) y polis y e ministerio ta provee personal y servicio. “Nos ta wak tremendo mehoracion, sigur durante e ultimo 12 lunanan, pa loke ta trata cooperacion y trahamento hunto cu polis y nos ta hopi contento cu locual nos ta wak awe,” Hepple a subraya. El a splica cu AH&SF a bin trahando durante e aña cu a pasa y deliberando con e fundacion por yuda Cuerpo Policial logra su obhetivonan. Un di e cosnan cu a wordo discuti na 2012 ta con pa mehora presencia di polis den Noord y Minister Dowers y Alto Comisario Dolfi Richardson a haci un excelente trabao y ya a provee polis adicional pa patruya den e area, James Hepple a splica, añadiendo cu na mita di september lo tin 19 agente policial mas pa e parti aki di Aruba “Esaki ta haci nos hopi contento,” el a expresa. Aruba Hospitality and Security Foundation ta compronde cu e polisnan aki mester di recurso y un di e cosnan cu a discuti tabata con pa yega na pone e Politiepost di Noord 100% den operacion atrobe. Hepple a splica cu husticia y hospitalidad a bay di acuerdo pa establece e Warda di Noord como un “headquarters” pa principalmente tres division: Unidad K9, Motorbrigade y Polis di trafico. “Nos hotelnan pa medio di AH&SF kier yuda polis di cualkier forma cu nos por y nos a acorda cu nos lo renoba e Warda di Polis,” Hepple a splica. El a bisa cu nan ta hopi contento cu e trabao, cual no falta hopi pa completa y pa asina pone e warda bek den funcionamente completo pronto. E representante di AH&SF a bisa cu Cuerpo Policial, Minister di Husticia y su organisacion ta papiando caba tocante kico nan por nifica pa otro durante 2014, asina lo haci plannan pa duna mas apoyo di parti di e fundacion na Cuerpo Policial, na comunidad di Noord y na habitante y bishitantenan di Aruba en general.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter