Saturday, 01 November 2014
Trabounan na Mon Plaisir a bay segun normanan internacional Print E-mail
Sunday, 25 August 2013 18:44

dti monplaisir

Pa loke ta trata e inkietud cu ta reina tocante e situacion di asbest na Mon Plaisir School y Colegio Arubano, Sr. Maduro di DTI ta splica cu mirando cu mester a baha e blafon y dak di Mon Plaisir, y manera ta conoci e dak ta contene asbest, DTI a percura pa e compania Van Kessel haci e trabounan cu asbest segun tur norma internacional.

Di e forma aki ta sigura cu e luga di trabou ta safe pa e trahadonan pero tambe pa tur cu ta den cercania di Mon Plaisir School. E metodo aki a causa algun tardansa den e proyecto y a conduci cu a cuminsa baha e dak net algun dia prome cu scol a cuminsa. Segun señor Maduro a scoge pa traha den un forma diligente, en bes di pura e proyecto y expone trahadonan of bisindario den peliger innecesario. Segun señor Maduro e compania Van Kessel a cumpli cu e “richtlijnen” di DTI pa baha e blafon y dak di asbest. Trahadonan di e compania aki a sigui un workshop di DTI y e compania ta certifica pa traha cu asbest. DTI a controla e trabou di Van Kessel na Mon Plaisir y señor Maduro ta bisa cu DTI no tin ningun motibo pa duda den e trabou cu Van Kessel a haci pa baha e blafon y dak. Midimento di biento pa vezels di asbest den pasado no a yega na un “waarde” cu ta indica cu tin algun peliger. Na Aruba tin un biento habri y e concentracion di vezel no lo bay trece ningun problema. E testnan haci na Colegio Arubano ta indica cu tabatin acumulacion di stof riba un cierto luga. E acumulacion di stof aki a sosode durante hopi aña y na momento di a haci e test a saca afo cu tin stofdeeltjes cu ta contene un cierto cantidad di asbest. No necesariamente e asbest aki a origina di Mon Plaisir. E metodo uza pa haci e test pa colmo no ta e metodo indica pa por deduci cu e cantidad di asbest lo forma un peliger pa hende. Segun Maduro e pa por papia di peliger pa sociedad mester test e aire cu ta wordo inhala. Den e caso aki e testnan ta indica cu den e aire no tin ningun tipo di asbest. E docentenan studiante por ta trankil cu no tin ningun risico pa nan salud.

Comentarionan (1)Add Comment
Colochi
August 25, 2013
201.229.85.123
Votes: +5
...

Boso mester stop di ganja y tuma hende (pueblo hasi). Dia 16 di augustus mi a jama DTI y tambe DVGH, ningun di 2 no ta sa algo di e asunto di asbest. Boso bai ganja baca!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter