Thursday, 27 November 2014
Ron Bieze di SVb: Despues di e limpiesa, nos ta midi y si tur cos ta bon e scol por habri bek Print E-mail
Sunday, 25 August 2013 18:43
Comparti

ronbieze

Si sigui e reglanan di DTI pa loke ta trata maneho di asbest, no lo tin problema, segun Ron Bieze di SVB. E la splica durante un conferencia di prensa diabierna atardi cu Minister Arthur Dowers cu for di diamars SVB ta envolvi den e caso di bahamento di dak di Mon Plaisir Kleuter y Basisschool, for di momento cu Colegio Arubano a acerca SVB pa check si nan scol ta “safe” pa habri bek.

SVB a wordo pidi pa bin wak si e situacion ta sigur pa e empleadonan di e scol, como cu nan ta e grupo di interes di e instancia aki. Nan a wordo pidi pa conseho, pa cual nan a bisa directiva di e scol pa mantene un cierto area cera y warda te ora e trabao ta cla pa midi check si tin of no tin stof di asbest presente. Bieze ta splica cu e resultadonan di e muestranan cu a wordo midi ta conoci awo y a haya stof di asbest, pero e concentracion no ta preocupante y despues cu e luga wordo haci limpi lo tuma muestra atrobe. Si for di e testmento di e muestranan sali cu e area ta sigur, e scol lo por habri bek. Na henter mundo tin asbest, e ta un material cu ta bin di naturalesa y tanten cu e asbest ta den e plachinan y ningun hende mishi cu nan no tin risico, e experto a subraya. Asbest ta forma un peliger pa salud na momento cu e persona inhala e stof, pero e no ta peligroso ora e ta riba, por ehempel e vloer of un rand di bentana, Sr. Bieze a bisa. E stof di asbest ta microscopicamente chikito, bo no ta wak e y hasta pa saca e stof aki for di aire mester di un filter special, Bieze a añadi.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter