Thursday, 24 April 2014
PwC ta duna guia pa estudio den ramo di accounting, tax y consulting Print E-mail
Sunday, 25 August 2013 15:02

pwc

Como un compania cu diferente specialisacion specifico y un reputacion hopi halto internaconialmente, PwC semper ta buscando profesionalnan hoben pa reenforsa su team den e ramo di accounting, tax y consulting (contabilidad, impuesto y consultacion). Pa motiva y brinda sosten na e siguiente generacion di profesionalnan den e ramonan aki, PwC ta invita nos studiantenan interesa den un of mas di e areanan di specialisacion pa un “Student Night”.

“PwC Student Night” ta pa e hoben cu kier sigui studia, pero kier sa mas tocante profesionnan y oportunidadnan pa un carera den accounting, tax y consulting. Participacion na e “Student Night” ta gratis. Durante un evento informativo y educativo e team di PwC lo duna un bista den e careranan aki, compartiendo informacion tocante oportunidadnan na PwC. Ademas, lo yuda e studiante haci su escogencia di estudio pa su desaroyo den un of un combinacion di e ramonan aki. “PwC Student Night” ta tuma luga diaranson 11 di september di 6:30PM pa 9:00PM den ballroom di Aruba Marriott & Stellaris Casino. Tur studiante interesa pa atende e evento aki mester registra mandando nan nomber, scol y number di telefon pa PwC prome cu dia 3 di september via email contactus.aruba@an.pwc.com. Tambe, por registra y adkiri mas informacion via telefon na number 522-1647.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter