Wednesday, 23 July 2014
Hopi entusiasmo durante e “Nagico Agents Conference 2013” Print E-mail
Sunday, 25 August 2013 13:42

Drs. Detlef Hooyboer durante e conferencia

Durante e ultimo añanan Nagico Insurances a crece y gana popularidad cerca hopi hende pa nan excelente servicio, producto y prijs. E biaha aki Nagico a dicidi di organisa un conferencia: “Nagico Agents Conference 2013” unda cu a invita varios agente y brokers den Caribe pa bini hunto y conoce Nagico miho.

Drs. Detlef Hooyboer CPCU, Director Ehecutivo di Nagico na Aruba, Corsou y Boneiro, tabata satisfecho di mira e acogida y interes di e agentenan y e brokernan. “Na un manera profesional y directo, Nagico a splica tocante con nan ta draai, kico Nagico ta nifica pa nan clientenan, e producto- y servicionan cu tin, con grandi Nagico ta, con Nagico ta para financieramente, p’asina tur hende, cliente y brokers haya confianza den nan, como un compania solido y vibrante”. Durante e conferencia tabatin algun orador cu a duna varios conseho practico y relevante na e participantenan, tocante con nan negoshi tambe por crece y bira exitoso. Nagico ta para tras di e pensamento, cu si un broker of agente ta bon y fuerte para y ta crece, pa Nagico esaki tambe ta importante. Imram Amjad, CEO di Nagico Group, a indica cu: ‘Loke ta keda importante ta pa tur cu ta envolvi, sigui contribui, pa e hendenan sigui coopera y yuda otro. Den e di dos parti a papia di think outside the box, pues con mester pone e mente funciona mientras ta den un organisacion, unda cu ta surgi problema y oportunidad y kico mester haci pa no laga esaki pasa bo bay. E crecemento di e compania Nagico ta duna e hendenan mas confidencia cu e ta un compania di seguro solido. Nos kier sigui crece y recientemente nos a habri Nagico na St. Lucia, Bahamas y Grenada strategicamente pa no wordo perhudica den caso di calamidad. Nos sa di unda nos a bin, nos sa unda nos kier yega y nos sa con pa yega eynan y esey ta loke ta haci Nagico, un di e companianan di seguro top den Caribe.” Nagico Insurances a crece y bira e compania di seguro mas grandi den Caribe Hulandes cu mas di US$ 100 miyon na prima. E compania ta financieramente hopi stabiel. Nan ta conta cu mas di 100 broker bendiendo nan productonan den 22 diferente mercado. Nagico ta celebrando 30 aña di existencia y cu plannan pa sigui crece den e temponan nos dilanti!

album album album
album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter