Friday, 25 July 2014
Universidad di Aruba y Colegio EPI ta organizando: DIGITAL MEDIA CONFERENCE Print E-mail
Sunday, 25 August 2013 10:53

Digital Media Conference

Riba diamars, 27 di augustus proximo Universidad di Aruba hunto cu Colegio EPI ta organisa un Digital Media Conference, cual evento lo ta tumando lugar den auditorio di EPI na Seroe Blanco.

Durante ultimo añanan e uso y accesibilidad di internet a aumenta drasticamente y cu e introduccion masal di smart phones, tablets y medianan social, un dimension nobo a wordo crea pa cu e metodonan di comunica den forma digital, pero tambe den e forma cu nos por duna contenido na nos trabao, estudio, entretenimiento y tambe na e forma di haci comercio/negoshi. Aunke cu Aruba ta un pais chikito, tin hopi oportunidad den e mundo digital cu nos por explora y desaroya. Universidad di Aruba y Colegio EPI den nan afan pa stimula e espirito di innovacion, empresarial y di liderazgo bao di studiantenan ta mira e proyecto aki uno sumamente importante pa nos hobennan. Durante e anochi aki diferente orador local lo ta dunando presentacion riba diferente tema relata cu media digital. Tur studiante di EPI, Universidad di Aruba y IPA ta keda cordialmente invita pa atende e conferencia. E temanan lo enfoca riba e uzo di internet y oportunidad cu plataformanan digital ta ofrece. E oradornan pa e anochi aki lo ta: • Daphne Agius Cesareo-Lejuez (Carib Media Aruba) – Tips, Trends and Opportunities in Digital Technology • Bethsarim Catherine van Koetsveld-Briñez (Creative Design Development Aruba) - The 10 Mistakes You are Making on Social Media and the (FREE) tools that can help you make them right! • Guido Picus and Kristjana Thorvalds (Expandeer) - Facebook Marketing Intelligence • Edward Erasmus (docente Universidad di Aruba) – What it Takes to Develop a Worldclass eCommerce Strategy for Aruba Despues di e presentacionnan lo tin oportunidad pa haci pregunta na e panelistanan y tambe tur presente lo tin chens pa netwerk cu e oradornan pa haci pregunta den forma individual. E evento ta cuminsa pa 7:00 di anochi y hobennan, interesadonan y e publico en general ta keda cordialmente invita pa asisti. Entrada lo ta completamente gratis. Studiantenan y invitadonan ta ser encurasha pa trese nan smart phones y tablets. E cupo den e sala ta limita. Pa mas informacion, por bai riba Facebook: https://www.facebook.com/events/calendar#!/events/135328143339246/ of por busca riba Facebook: Digital Media Conference Aruba.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter