Wednesday, 23 April 2014
Camarada-Aruba ta organisa actividadnan relaciona cu 50 aña di diensplicht na Aruba Print E-mail
Saturday, 24 August 2013 14:14

50 jaar dpl

Na aña 1963 Reino Hulandes a introduci e servicio militar obligatorio pa Antiyas. Esaki a ser haci pa medio di e decreto “Dienstplichtverordening” (P.B. 1961, nr. 223) y “Dienstplichtbesluit” (P.B. 1963, nr. 86). Entrante 1 di september 1963 diferente hoben di Aruba a cuminsa cumpli cu nan servicio militar na Marinierskazerne Savaneta. Na Aruba e hobennan di Aruba y di Bonaire a sirbi pa 12 luna nan pais. Diferente di nan despues a haya trabounan clave y importante den comunidad. Algun di nan a subi di rango despues pa bira instructor y lider den e cuerpo militar Arubano. Na 1986 e hobennan di Aruba a haya un otro status pa motibo di e “Status Aparte” di Aruba. Na 1996 gobierno di Aruba a dicidi pa congela e obligacion pa presenta (opkomstplicht) pa cumpli cu e servicio militar obligatorio. Desde e aña ey nos hobennan por cumpli cu e servicio militar a base voluntario. Pa conmemora e 50 añanan aki CAMARADA-Aruba ta organisa riba diasabra 31 di augustus venidero actividadnan pa esunnan cu a cumpli cu nan obligacion pa sirbi a pais di 1963 te cu 2013. E programa pa e dia aki ta un parada den cayanan di Playa. Despues lo sigui cu un marcha forsoso (speedmars) di 50 km cu ta cuminsa na Playa y ta caba na Savaneta. Tambe lo tuma luga un parada na San Nicolas. E comision temporal di CAMARADA cu yama “Comision 50 aña Dienstplicht” bou encargo di señor Sam Ramada ta encarga cu esaki. E parada oficial na Playa lo ta di 10:00 am pa 12:00 pm y ta cuminsa dilanti di ex Brenchie Arends den Wilhelminastraat y ta termina aki mes. Participantenan mester ta presente no mas laat cu 09:30 na e punto di salida aki. Despues lo cuminsa cu e marcha forsoso (speedmars) for di aki mes. Interesadonan pa e parada oficial por inscribi na Hooiberg 93-C serca sr. Coby Henriquez (5930923) of na Budget Marine serca sr. Alwin Laclé (5932269). Pa participa na e actividadnan mester contribui cu AWG. 25,00 (cu ta inclui un t-shirt, un medaya, certificado y cos di bebe). Interesadonan pa e marcha forsoso (speedmars) y e parada na San Nicolas por inscribi serca sr. Sam Ramada (5663024) of serca sr. Ruben Boekhoudt (5889962). Ultimo dia pa registra y paga e contribucion pa por participa lo ta diabierne 30 di augustus. CAMARADA-Aruba ta pidi tur cu “Dienstplichtig” pa ban uni e dia aki pa hunto haci e dia inolvidable.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter