Friday, 31 October 2014
SIMAR cu continuacion di reunion general anual pa trata relato anual Print E-mail
Friday, 23 August 2013 14:44
DSC_2063
Sindicato di Maestro di Aruba SIMAR kier recorda na su miembronan cu diaranson venidero, esta 28 di augustus, directiva lo continua cu su reunion general anual.

E reunion aki lo habri pa exactamente 7:30 di anochi y lo tuma lugar den sala Bruce Crispin na cede di SIMAR na Sabana Blanco. Durante e reunion di dia 24 di mei ultimo, miembronan a dicidi pa continua cu tratamento di e relato anual den un continuacion di dicho reunion. Esaki pa motibo cu algun aspecto di e parti financiero tabata mester di ahustacion. E ahustacionnan aki a tuma lugar y directiva ta cla pa trata e relato cu su miembronan.

Un copia di e relato anual a ser entrega na tur miembro activo na pia di trabou. Si pa un of otro motibo bo no a ricibi esaki of bo a cambia di dunador of lugar di trabou, sea asina bon di avisa na oficina di SIMAR y pasa pa bo relato na cede di SIMAR. Pensionadonan cu ta desea un copia di e relato tambe por pasa libremente na SIMAR pa esaki.

Directiva ta spera di wak un y tur presente ya cu den e reunion aki lo trece informacionnan valioso y ideanan nobo dilanti. Tene na cuenta cu desicionnan importante por ser tuma irespecto e cantidad di miembro presente. No laga otro dicidi pa bo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter