Friday, 25 July 2014
Minister Otmar lo desvela Monumento di Piscadornan Perdi riba Lama dia 27 di augustus 2013 Print E-mail
Thursday, 22 August 2013 23:41

D3X 5567

Despues di un aña cu Minister di Turismo, Transporte y Labor Otmar Oduber a acerca Santa Rosa y Fundacion Centro di Pesca Hadicurari pa bin cu un proyecto di Monumento Piscadornan Perdi Riba Lama, esaki lo wordo desvela dia 27 di augustus na Governor’s Bay. Minister Oduber a bin cu e iniciativa aki na momento cu Aruba a wordo confronta cu e calamidad casi dos aña pasa, ora dos piscador a perde riba lama.

El a sinti cu ta hopi necesario pa bin cu un monumento pa recorda no solamente e piscadornan aki, pero tur otro cu lamentablemente a perde realizando nan ofishi. Meta principal tras di e proyecto aki ta pa conmemora e piscadornan cu no a regresa cas bek, como tambe brinda e familiarnan un poco consuelo pa nan perdida. E mandatario a indica na varios ocasion cu e proyecto aki ta financia pa e gran parti dor di e Tourism Product Enhancement Fund (TPEF) cu su proposito ta pa mehoracion di producto Aruba y a tuma e responsabilidad pa carga e proyecto y honra nos piscadornan perdi riba laman. Directora di Santa Rosa Sra. Natalie Maduro ta splica cu conhuntamente cu e desvelo di e monumento, Minister Otmar Oduber lo ta entregando tambe e promer manualnan y paketenan di seguridad na un grupo di piscador tradicional. Tanto pa Minister Oduber como pa Santa Rosa, e comunidad di piscador ta sumamente importante, mirando cu pesca ta forma parti di nos sector primario. E mandatario ta spera cu e monumento aki trece mas concientisacion pa loke ta trata e aspecto di seguridad pa e comunidad di piscador, mirando cu naturaleza ta inpredecibel y Minister no kier pa mas piscador perde riba lama. Ya pa algun tempo por a tuma nota di e artistanan Gilbert Senchi y Fernando Vermeer, cu ta encarga pa traha e pieza di arte monumental aki, den full accion na Governor’s Bay. Minister Oduber ta sinti cu e Monumento di Piscadornan Perdi riba Lama lo trece un poco mas di trankilidad pa e famia, e gesto aki ta pa duna e comunidad di piscador y famianan algo bek pa recorda nan sernan keri.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter