Friday, 19 December 2014
Minister Dowers ta splica: Test a mustra presencia di vezels den algun local di Colegio Arubano Print E-mail
Thursday, 22 August 2013 20:46
Comparti

front

Den un entrevista cu minister di ensejanza Arthur Dowers el a duna di conoce cu e resultadonan di e test haci na Colegio Arubano ta cla, y den e aire no a descubri nada particular, pero si a constata cu den e stof di cierto localidadnan tin vezels di asbest. E localidadnan y e trailernan cu ta na banda ta sera y tur e areanan aki lo wordo haci limpi diabierna, pa e ora ey por habri nan pa e lesnan por tuma lugar normal.

E mandatario a splica cu Colegio Arubano kier midi otro areanan y esaki ta core pa nan mes responsabilidad, y e ta spera te ora e resultadonan bin cla di e midimento aki pa wak si tin cu haci limpieza adicional. Pa awor e ta spera cu den fin di siman e localidadnan y trailernan na banda keda cla, pa dialuna por reanuda e lesnan. Si den 24 ora e otro midimento ta keda cla y si tin cu haci limpieza tog e ta calcula cu pa diamars e situacion ta normaliza. A pidi e alumnonan di Colegio pa no usa e localidadnan cu ta sera te ora e limpieza tuma lugar. E gymzaal di Mon Plaisir tambe lo wordo haci limpi e fin di siman aki y tambe lo habri dialuna. A pidi e compania encarga cu e limpieza pa acelera e proceso pa tur esaki keda cla. E mandatario a splica cu tur plachi di asbesto a wordo kita for di e dak Mon Plaisir y a empaketa den saconan di plastic, pa wordo saca for di e lugar den container, y despues lo haci otro midimento pa wak si algo por a keda aunke henter e lugar a keda completamente limpi. E compania cu a haci e trabao a recomenda pa muha full e area cu ta Mon Plaisir MAVO y locual ta cay na cura di Colegio Arubano, segun e mandatario

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter