Saturday, 19 April 2014
Hendrik Croes Vocero di aeropuerto: Panort y pazuid di aeropuerto tin trabounan grandi andando na aeropuerto Print E-mail
Saturday, 17 August 2013 14:06

Aeropuerto (2) (Medium)

Na aeropuerto tin trabounan andando. Caminda e avionnan priva ta para tin demanda pa mas avion. Pesey mes mester a cuminsa traha pa para mas avion. Aeropuerto tambe ta duna un servicio VIP.

Cada aña mas y mas den cierto temporada tin avionnan priva cu kier bin Aruba. Ta usa e general aviation terminal cu mas secuencia. Hendrik Croes vocero di aeropuerto a splica cu tabata tin momento cu mester a sera e area pa falta di espacio. Awor e inversion ta di 20 miyon florin. Awor mester a sigui traha mas lugar y otro proyectonan pa conecta e parti unda avion ta baha cu e area unda e ta para na e banda zuid. Na e banda panort di rampa di aeropuerto tambe tin espacio ta wordo traha segun Hendrik Croes. Tin espacio ta wordo traha pa para avionnan grandi pa extra dos avion. Panort tin mesun situacion cu pazuid unda tambe tin demanda. Tin biaha tin avionnan cu ta yega na mes momento y esey ta pone cu e problema ta presenta. 12 miyon florin ta costa e espacio panort pa acomoda avionnan grandi. Tambe banda panort tin e proyecto di fuel avion. Ta modernizando pero na mes momento haci esaki mas sigur riba rampa. Riba Apron lo fuel avion. Den su totalidad e ta cay bou di e 12 miyon florin. Hendrik Croes a splica cu como isla hopi bishita mester keda crea facilidad pa saca e probecho. E area unda mester warda pa vuelo bayendo un destinacion cu no ta Merca tambe tin trabounan andando. E area cu pasahero mester coy bus pa bai avion por ehempel ta trahando un lugar pa acomoda 200 pasahero mas. E proyecto ta andando aunke den fase di comienso. Tin otro proyectonan andando manera e Runway Lights cu ta luznan riba pista pa mihor visualidad pa e pilotonan. Lo pone luznan LED color cora y esaki ta pone e aeropuerto di Aruba cu lider pa Caribe y Henter Latino America. Nos por ta chikito pero ta un ehempel pa otro aeropuertonan segun Hendrik Croes.

album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter