Monday, 01 September 2014
Director di KVK: Temanan hopi importante pa nos comunidad y nos economia lo trata durante debate politico Print E-mail
Friday, 16 August 2013 20:58

leomaduro

Den un entrevista cu e director di KVK, Leo Maduro, den e contexto di e debate politico cu lo tuma lugar diahuebs 22 di Augustus awor, el a splica cu e preparacion ta tumando lugar y for di 7.30 or di anochi e sala na Westin ta habri. E tres participantenan ta e lidernan di e partidonan AVP, sr. Mike Eman; MEP sra. Evelyn Wever- Croes, y PDR sr. Andin Bikker.

Sr. Ruben Trappenberg lo fungi como moderador, y lo tin transmision bibo y directo via Tele Aruba, pa asina e publico en general por presencia e debate. Entrada ta 75 florin y e ta sigur cu tin hopi hende interesa pa sigui e debate aki den e sala, cu ta bai trata 4 tema relaciona cu economia. Lo papia riba e futuro di e fondonan di SVb y AZV y finalmente lo papia tocante un topico hopi cayente cu ta finanzas publico. Datonan cu ta bai ta e base di e temanan ta bin di central di estadistica CBS y Banco Central di manera cu lo no tin discusion riba e cifranan. Preguntanan aki lo ta e base di partida di e temanan di debate. Tin un plan total pa contesta e preguntanan entre 2 of 4 minuut of mas segun e tema, pasobra e publico den e sala y esnan cu ta siguie via television por haci pregunta, y pronto lo informa cual ta e email cu por usa pa esaki. Lo evalua e preguntanan door di un panel den e sala y esnan mas al caso lo wordo presenta na final di anochi pa e tres lidernan contesta esakinan. Nos ta para dilanti un periodo bastante crucial caminda un decision hopi importante mester wordo tuma pa nos comunidad y nos economia, y e anochi aki no ta importante solamente pa e empresarionan pero den e temanan tin aspectonan cu ta importante pa e trahadornan tambe.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter