Tuesday, 02 September 2014
Back to school den caya tabata floho y cambionan den trafico a hunga un rol segun presidente MAMBO Print E-mail
Friday, 16 August 2013 20:46

Audrey Croes003

Den un entrevista cu presidente di MAMBO Audrey Croes-Lacle, el a splica cu a bolbe sinta cu e meneer Fowler y meneer Harms, cu ta e personanan cu ta yuda encabeza tur e proyectonan pa tene Caya vibrante pero e biaha aki back to school tabata hopi floho. Audrey Croes a splica cu e advertencies den corant no a sali y tampoco tabata tin DJ, y nos tur sa cu pueblo di Aruba gusta ora tin e tipo di evenementonan aki, pa tin music den caya.

El a bisa cu diabierna aki tabata un tiki mihor pero nada compara cu loke a spera. Pero tambe por compronde claramente cu tin menos placa den circulacion y esey a haci efecto. Ela splica cu ademas hopi tienda a habri den otro areanan pafo di caya, y tin hopi hende cu ainda no kier bin den caya y un di e motibonan ta e cambio den trafico cu hopi hende tin miedo di dje. Nan ta scucha comentarionan den supermercado kiko e hendenan ta pensa riba e trafico cu ya pa mas cu dos anja y mey nan no sa unda pa bai y unda pa bin, y e ta spera cu pronto Plaza Daniel Leo y Plaza Habibe keda cla, aunke nan a bin compronde cu prome cu November e lo no ta completamente cla pa via di e fontein nan cu ainda no tur cos a keda regla ainda. Awor aki MAMBO ta bezig ta revisa e puntonan cu a wordo fiha pa e BID (Business Improve District) cu nan ta marca tur teritorio cu ta wordo beheer door di esaki caminda tin varios punto aden. Audrey Croes a splica cu el a haya e carta y ta bai revisa tur e puntonan pa duna su opinion riba dje, pasobra MAMBO tin 16 anja ta haci tur evenemento den Caya. Nan ta bai zorg pa tur cos keda cla pa esaki por bai ministerraad. BID tin di haber cu marketing den caya, mantenimento y seguridad kiermen tur cos cu ta envolvi caya grandi cu constamente mester ta limpi y nechi y e ta spera cu pronto lo keda cla cu e reglamento pa pone tur e camaras den caya pa e seguridad anochi, y tur esaki BID ta bai beheer y ainda ester wak di unda e fondonan ta bini. Tambe lo percura pa tin variedad di product den caya, kiermen cu no tur tienda ta ofrece mescos pasobra por ripara cu ultimo anjanan comokiera cu caya a bay hopi atras, no tin ni un joyeria mas den caya grandi y akinan BID tin cu sinta cu cliente y comerciantenan pa wak con ta trece variedad den caya, segun presidente di MAMBO.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter