Wednesday, 23 April 2014
Cuerpo Policial Aruba ta celebra Dia di Polis Print E-mail
Friday, 16 August 2013 16:49
DSC_2063
Desde dia 1 di januari 1986 a nace Cuerpo Policial Aruba, pero como cu ta aña nobo, a scoge pa celebra "Dia di Polis" riba dia 16 di augustus cu ta fecha di nacemento di Ex Minister di Husticia, Watty Vos q.e.p.d. E aña aki atrobe e celebracion a cuminsa for di mainta cu un Santo Sacrificio di Misa na Brazil.

Minister di Husticia, mr. Drs. Arthur Dowers, Alto Comisario di Polis, mr. Adolfo "Dolfi" Richardson hunto cu demas miembronan di Cuerpo Policial Aruba tabata presente pa na un santo sacrificio di misa, como un bendicion special na tur cu ta traha den e organisacion. Ta hende homber y hende muhenan balente cu diariamente ta sali for di nan cas, laga nan famia atras, pa sirbi nos comunidad. Tin ora hasta den situacionnan peligroso y di hopi risico.

Pa e siman aki Cuerpo Policial Aruba a organisa varios actividad pa su miembronan, cu ta inclui e Santo Sacrificio di Misa, pero tambe eventonan deportivo manera volleyball, zaalvoetbal y domino.

Alto Comisario di Polis, mr. Adolfo "Dolfi" Richardson a pone hopi enfasis riba e trabou duro cu tur su coleganan ta desplega diariamente. E mesun dedicacion special aki ta locual ta haci cu Aruba ta score halto den henter e region aki, cu un porcentahe halto di solucion di casonan. E hefe di Polis ta consciente cu semper tin espacio pa por mehora, pero ta den e cuadro ey mes el a expresa su satisfaccion pa e ekiponan cu Gobierno a percura pa e organisacion y mas personal pa por sirbi comunidad miho.

Cuerpo Policial Aruba ta existi desde aña 1986 y ta conta awendia cu mas o menos 600 Polis trahando incansablemente pa brinda siguridad na nos pueblo. Ta trata aki di 375 hende homber, 104 hende muhe y 120 empleado administrativo, trahando den 4 districto, cu Wardanan di Polis situa na Oranjestad, San Nicolas, Noord y Santa Cruz. Orguyosamente Cuerpo Policial Aruba ta conta cu hopi respet internacional, specialmente pa su unidadnan special manera “Motor Unit”, “K9 Unit”, “Arestatie Team”, “Mobiele Eenheid”, “Duik Team” y “Helicopter Unit”, sin lubida e departamentonan conoci di patruya y recherche cu ta bon entrena y capaz pa investiga y soluciona e casonan mas complica.

Cuerpo Policial Aruba ta traha den cooperacion estrecho cu Cuerponan di Polis den Reino Hulandes manera Korps Politie Rotterdam Rijnmond, KLPD y RST, sin lubida otro partnernan internacional manera Interpol, DEA, FBI, RCMP, Force Protection Agency, ACCP y IACP. Pa mas informacion por subi e website www.kparuba.com.

dowers dowers dowers
dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter