Friday, 31 October 2014
Nos Cartera y Nos Finansa Print E-mail
Friday, 16 August 2013 10:38
DSC_2063
Durante e periodo di 17 di Augustus te cu 15 di September 2013, Banco Central di Aruba (CBA) lo tene e encuesta yama “Nos Cartera y Nos Finansa” pa di segundo biaha. E prome encuesta teni a tuma lugar na 2010.

Cu e encuesta aki, CBA lo kier produci informacion valioso riba e posicion financiero di e unidad familiar na Aruba, pa cual actualmente tin poco informacion. Informacion cu lo wordo pidi ta regarda e entrada di e unidad familiar, con e comportacion di fia y spaar ta y e abilidad di paga gastonan mensual. Cu e informacion aki lo por identifica areanan problematico y e gruponan vulnerabel den e comunidad Arubano, cual lo contribui na formula un maneho mas efectivo y implementa esaki miho pa loke ta trata e posicion financiero di e unidad familiar. Mas ainda, e informacion adkeri lo asisti CBA den su analisis di e desaroyo economico na Aruba.

Durante e periodo aki, CBA lo tin un grupo di 20 encuestador cu lo bishita 1,400 unidad familiar Arubano pa por haya e informacion cu ta di sumo importancia. E bishitanan aki lo tuma lugar mas tanto durante e oranan di anochi y den fin di siman. E encuestadornan lo tin un carchi di identificacion y un carta di notificacion como prueba cu nan ta trahando pa CBA. E respondientenan por tuma contacto libremente cu CBA si nan tin pregunta adicional.

CBA ta realisa cu gran parti di e informacion rekeri ta di un grado sensitivo, y p’esey ta infatisa cu tur e informacion recibi lo keda confidencial y lo usa nan solamente den un formato agrega pa propositonan estadistico. Mirando e importancia di e datonan aki, CBA ta spera cu e unidadnan familiar Arubano lo coopera grandemente cu e encuesta aki. Pa mas informacion, por favor tuma contacto cu señor Giantcarlo Croes, Economista na CBA y alabes lider di e proyecto, na telefon 5252162 of via email: g.g.croes@cbaruba.org.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter