Wednesday, 01 October 2014
Audrey Croes Lacle: Tur fundacion ta bisa NO NA MARIHUANA!! Print E-mail
Thursday, 15 August 2013 22:01

Audrey Croes Lacle

Den un entrevista cu presidente di fundacion Adopt an Addict, Audrey Croes Lacle, el a splica cu nan a sinta cu tur otro fundacion y a papia tocante e asunto di legaliza marihuana y nan tur a bisa NO na marihuana. Audrey Croes a bisa cu di e manera con e wordo yama sea cannabis of marihuana ta mescos y datonan cu e fundacion tin te 2012 ta para cu 92% di nan clientenan a cuminza usa alcohol cu 12 anja y seguidamente a bay pa marihuana y di eynan na droganan mas pisa.

Audrey Croes Lacle a splica cu den nos cultura den tur fiesta familiar tin bebida alcoholico pisa y na momento cu e mayornan ta cuminza bebe den fiesta na cas of den un club, nan no ta worry mas cu e teenagers cu tin rond di nan y esey ta haci cu e muchanan ta purba e alcohol y nan siguiente stap ta marihuana y esey ta para duidelijk den e datonan di e hobennan adicto. Na momento cu e yerba aki no ta satisface e hobennan mas nan ta sigui pa algo mas fuerte y tanten nan cartera yuda nan ta bai na cocaina, XTC entre otro droganan kimico, y den un etapa mas avansa di deterioro ta usa crack. Logicamente e fundacionnan a bisa no na marihuana cu ta e origen di tur esaki y no tin discusion mas riba esaki aunke silenciosamente ningun fundacion cu ta traha riba tereno di combati adiccion ta apoya legalizacion di marihuana!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter