Saturday, 20 September 2014
Ta bezig cu un dossier pa hobennan violento dor di adiccion Print E-mail
Thursday, 15 August 2013 21:54

Audrey Croes bezig

Den un entrevista cu presidente di Stichting Adopt an Addict, Audrey Croes Lacle, el a splica cu e adictonan di edadnan mas grandi naci entre anjanan 50 y 74 ta esnan cu tog kier un cambio y ta mustra cu nan no kier sigui biba asina. El a bisa cu no ta tur, algun di nan ta violento.

Pero e grupo mas dificil y violento ta esun di e mas hobennan cu no a caba di experiencia ainda y cu ta tuma esaki como un wega aunke nan ta sali despues hopi herida cu traumanan grandi cu ni awor ni manjan nan ta logra build up nan bida. Tambe otro grupo ta esun cu ta logra rehabilita pero cu ta wordo rechaza pa e sociedad y no ta haya trabao, loke ta pone nan desespera y tin biaha bolbe riba caya. El a informa nos tambe cu F.A.A ta bezig cu un proyecto cu Cas Eliezer, pero henter e proceso ta nada facil y nan tin dos siman di tempo y ta imposible pa pone tur informacion hunto den e dossier, y nan ta pidiendo mas tempo pasobra prome cu December nan lo no keda cla. E ta un proyecto dirigi na hobennan cu ta bira violento y entre otro nan mester busca e personal adecua pa deal cu nan y mester sa cuanto hende mester pa traha cu cada grupo y tur esaki ta envolve hopi gasto tambe. Nan ta trahando hunto cu un senjora di Cede Aruba den esaki. El a elogia e trabao di prevencion di FADA y F.A.A ta hopi contento cu esey, pasobra nan ta mira con hopi hoben ta wordo envolvi den deporte, etc, y e ta spera cu nan trabao sigui exitoso. Pero tin e grupo cu nan kier tuma y rehabilita cu ta e hobennan cu ta drenta den gang, cu ta horta auto, cu ta envolvi den criminalidad pasobra nan ta cerca di e mundo aki. Ademas e kier pa nan keda cla cu e grupo di 22 adicto pa drenta curatela. E ta compronde cu ta dificil pa un huez kita libertad di hende pero di otro banda e resto di e ciudadanonan tin derecho di por cana trankil den ciudad y di para nan auto caminda nan ta desea y cu e teritorio ta di nos tur y no di un grupito cu kier domina tur caminda y haci nan fechorianan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter