Thursday, 24 July 2014
Audrey Croes Lacle cu apelacion riba Openbaar Ministerie riba casonan pa adictonan drenta den curatela Print E-mail
Thursday, 15 August 2013 21:52

Audrey Croes

Den un entrevista cu Audrey Croes Lacle presidente di Fundacion Adopt an Adict, a puntre si nan ta satisfecho cu locual a haci pa yuda den e tereno di adiccion, pasobra tin adictonan cu a tuma e parti patras di Hotel Central y nan ta haci y deshaci eynan, y ningun hende tin nada di bisa. Audrey Croes a splica cu e ta prefera di papia pa su mes pero ta asina si cu nan ta traha den samenwerking cu otro instancianan riba mesun tereno y cu Fundacion pa Maneho di Adiccion Aruba FMAA.

E ta haya cu hopi a ser haci riba e tereno aki, pero e fruta no ta wordo mira pa motibo di situacionnan manera a describi cu tin adictonan a apropia di un teritorio y nan ta kere cu nan por haci eyden kico cu nan kier. Audrey Croes a bisa cu mainta diahuebs e mes mira adictonan drumi riba banki dilanti corte y esey no ta e situacion cu kier mira na Aruba. El a duna di conoce cu nan tin 22 dossiers cu a keda drumi na OM di adictonan cu mester ta bao di curatela. Hasta den diferente occasion e papelnan a caduca y mester a bolbe renova nan, y tin mayornan cu a firma cu kier hala atras pasobra esakinan no a ser atendi na OM. El a splica cu si OM no ta haci algo pronto y ta procesa e filenan aki, e problema no ta bai caba y manda e adictonan un tiki mas patras no ta e soluciona e problema. Accion ta tuma de vez en cuando, pero esaki no ta e manera pa actua den e caso aki, segun Audrey Croes Lacle. E kier a haci un apelacion na nos sistema di husticia pa atende cu e papelnan di e personanan aki, pa por fin por drenta den e centro di motivacion banda di KIA cu tin ya caba su cambernan disponible, pa asina por mira den e ciudad e cambionan cu nos kier mira, pasobra esaki tambe ta aleha hendenan di bin ciudad.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter