Friday, 31 October 2014
Comision di Bon Boluntad satisfecho con e ambiente di entregamento di lista a bai Print E-mail
Thursday, 15 August 2013 21:49

Leo Maduro

Den un entrevista cu e Secretario General di Comision Bon Boluntad (CBB), Leo Maduro, a wordo puntra con el a mira e proceso di entregamento di lista bai, na Nikki Beach, caminda e commission tambe tabata presente. El a splica cu e ambiente tabata placentero, trankil y relax y e ta spera cu asina sigui e resto di e campanja.

El a mustra cu e comunidad a duna un muestra di un comunidad respetuoso, cu ta duna espacio na diferencianan di opinion di otro riba tereno politico, y cu na tur momento ta respeta esaki. E ta mire como un bon comienso di e campanja politico, y cu nos tur mester ta contento pa esaki pasobra ningun di nos kier pa un incidente cu consecuencia grave sosode. El a splica cu nan ta keda mantene e protocol cu ta e guia vigente atraves di varios anja, tanto pa e partidonan politico como pa e medionan di comunicacion. Leo Maduro a trece dilanti un observacion cu e commission a haya for di prensa mes, tocante e radioemisoranan cu tin programa di opinion caminda e hendenan ta yama y expresa nan mes, y cu tin biaha ta abusa di e confianza aki y ta bisa cosnan cu no mester tey, y e radio emisora no ta haya chens di reacciona ora e palabranan ta sali den aire. Maduro a bisa cu e sa cu na Curacao no ta asina pasobra nan ta graba di anticipa y si un hende ta expresa algo cu no ta bon, e ta wordo saca for di aire mesora. E ta di opinion cu na Aruba kizas mester bin cu un sistema asina, pa evita e tipo di situacion aki.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter