Monday, 01 September 2014
Aruba ta forma parti di e plataforma di ‘MasterCard’s Priceless Cities Print E-mail
Thursday, 15 August 2013 20:11

front

Minister di Turismo, Transporte y Labor Otmar Oduber conhuntamente cu Aruba Tourism Authority a reuni diaranson cu ehecutivonan di MasterCard Worldwide, pa asina aki formaliza e acuerdo unda Aruba lo ta e di cinco pais den Caribe cu lo forma parti di e plataforma ‘MasterCards Priceless Cities’.

Esaki ta un programa cu ta diseña pa promove turismo por medio di oferta, beneficio y incentivonan cu ta lo contribui na reenforza e industria di turismo.

Na 2011 MasterCard a lanza e plataforma aki, unda Aruba tin e honor pa wordo categoriza un di cinco islanan mas bunita den Caribe. MasterCard kier kier brinda su clientele e oportunidad unico pa experencia e paisnan di mas bunita rond mundo.

Pa Aruba esaki ta un otro logro importante, unda cu un compania grandi manera Master Card ta elogia e bon maneho di Minister di Turismo y ATA.

Mirando e posicion di Aruba den e industria di turismo, unda cu Aruba su cifranan di crecemento ta hopi positivo y e hecho cu Aruba tin e porcentahe di mas halto den Caribe di ‘return visitors’ a sigura pa Aruba forma parti di e programa aki.

“Aruba tin tur e caracteristicanan pa cumpli cu e criteria di un ‘priceless city’, mirando tur loke e ta ofrece na e bishitante”, ta loke e Vice Presidente di Mercadeo, Lorena Holgium ta indica.

E plataforma aki ta ofrece clientenan di MasterCard diferente incentivo cu ta hopi atractivo pa e bishitantenan di nos isla cu ta bin Aruba, muy en especial pa ‘shopping’. Esaki lo ta atrae sigur e mercado Latino Americano cu ta wordo concidera ‘high-spendors’.

Minister Oduber ta aplaudi e inicitiva aki di ATA pa crea un partnership cu Master Card cu ta un compania grandi y renombra den credit card cu e companianan local pa asina aki hunto eleva nos producto y e experiencia di cada bishitante.

Como cu turismo ta keda e pilar economico mas importante di nos isla, nos mester trece e negoshi na nos comerciante y companianan, esaki ta exactamente lo cual e programa aki ta bay haci.

E programa aki ta solamente e comienso y base di programa cu ta crea oportunidad pa forma parti di otro plataformanan cu ta traha specialmente pa brinda nos bishitante un experiencia unico den futuro.

gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter