Thursday, 24 July 2014
Amsterdam a yama bon bini na studiantenan di Aruba Print E-mail
Thursday, 15 August 2013 16:53
DSC_2063
Den stadhuis di Amsterdam a tuma lugar awe merdia un recepcion pa e studiantenan di Curaçao, St. Maarten, Boneiro y Aruba. Den e sala di reunion di e municipio di Amsterdam wethouder Andrée van Es a yama tur e studiantenan bon bini.

E recepcion a conta cu presencia di Minister Plenipotenciario di Aruba sr. Edwin Abath, hefe di departamento di Enseñansa di Cas di Aruba sr. Sammy Dumfries y e mentornan pa Amsterdam sra. Lourdes Bramble-Tromp y sra. Edy Ranada.

Den su discurso na e studiantenan sra. Van Es a mustranan ariba e caracter unico di e ciudad di Amsterdam cu ta conta cu mas di 177 nacionalidad y asina Amsterdam conoce un diversidad enorme. 'Akinan bo por ta bo mes. No ta importa ken bo ta of con bo ta pensa. Esaki ta e caracter unico di Amsterdam.' asina e wethouder a bisa.

Sra. Van Es tabata tin hopi comprencion pa e decision dificil pa scohe pa bin studia na Hulanda; asina leu for di cas, otro idioma y custumbernan. Sinembargo e wethouder a encurasha e studiantenan pa keda enfoca ariba e meta pakico nan a bin Hulanda. 'Lesa corant y mira noticia di Hulanda, cera amistad cu Hulandesnan Europeo pa stimula bo dominio di Hulandes. Purba di busca actividadnan of trabao banda di bo estudio pa asina haya mas experencia. Tur esakinan por yuda cu bo bo por termina bo estudio cu exito,' asina sra. Van Es a bisa.

Finalmente wethouder Van Es a desea tur e studiantenan exito den nan estudio y e temparada cu nan ta un ciudadano di Amsterdam.

Despues e programa a sigi unda Tanja Fraai a entrevista diferente studiantenan ariba nan prome experencia cu Hulanda y en especial cu Amsterdam; ariba nan estudio y nan expectativa den esaki. Tambe Tanja a entrevista algun studiantenan cu a bin aña pasa pa nan por a conta nan experencia cu por sirbi como ehempel pa e grupo di studiantenan nobo.

E programa a termina cu un quiz tocante Amsterdam pa asina test e conocemento di Amsterdam bou di e studiantenan.

Esaki ta di tres aña cu municipio di Amsterdam ta organisa e recepcion aki pa e grupo nobo di studiantenan di Curaçao, St. Maarten, Boneiro y Aruba.

dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter