Monday, 24 November 2014
IMF ta confirma cu nos turismo a recupera na un forma impresionante Print E-mail
Monday, 12 August 2013 20:37
Comparti

imf

Relaciona cu e raport cu IMF a traha encuanto economia di Aruba, Minister di Turismo, Transporte y Labor, Otmar Oduber ta sumamente satisfecho cu e hecho cu IMF ta confirma cu turismo di Aruba a recupera na un forma impresionante. E raport ta indica entre otro cu ta danki na principalmente e prestacionnan impresionante di nos sector turistico, Aruba su economia ta recuperando rapidamente di e consecuencianan negativo di e crisis financiero mundial y ciere di Valero.

Segun IMF, turismo ta representa mas cu 80% di nos actividadnan economico, locual ta indica e importancia di turismo pa crecemento economico, creacion di empleo, nos reserva di divisa y saneamento di nos finansanan publico. IMF ta constata tambe cu Aruba su parti di mercado ("market share") den turismo Caribense a aumenta y cu esaki ta un indicacion cu nos industria turistico ta hopi competitivo. Den e cuadro aki IMF ta elogia e bon trabou di nos Minister di Turismo cu a opta pa diversifica nos turismo. Resultado di esaki ta cu Aruba a sa di recupera fuertemente, mas cu otro paisnan den e region Caribense. E esfuerzo di e mandatario pa diversifica nos turismo, pa trece mas bishitante di e mercadonan Latino Americano, cu ta mercadonan cu ta creciendo rapidamente, y e reputacion di Aruba como un "high-end destination" a contribui na e recuperacion rapido di nos turismo y economia. Ademas IMF ta trece padilanti cu e entrada pa camber disponibel ("Revenue per available room", esta Revpar) consistentemente ta mas halto cu e promedio di Caribe. Esaki ta demostra claramente cu e maneho di nos Minister di Turismo, cu ta dirigi entre otro riba turismo di calidad, ta efectivo. Pues IMF su raport ta confirma cu nos turimo no ta creciendo solamente den cantidad, pero tambe den calidad.

Comparti
Comentarionan (1)Add Comment
SHREK
August 14, 2013
201.229.6.148
Votes: +0
...

Turismo ta un parti di e IMF rapport. E rapport bo por haye riba internet. Djies search "IMF Aruba" lo bo ta haya e link pa e press release y e rapport mes (gratis).

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter