Monday, 22 September 2014
Di 12 pa 20 di Augustus sostenedornan di UPP, RED of PPA por pasa firma na filial di censo antes RBTT Smith Boulevard Print E-mail
Monday, 12 August 2013 20:31

1009

Den un entrevista cu directora di Censo Sharin Luydens, el a splica cu e filial di Censo cu ta na unda antes tabata RBTT na Smith Boulevar, dilanti Wilhelmina Park, a ser destina pa e partidonan UPP, PPA y RED haya e 551 firmanan di sosten cu nan mester pa por bin na remarca pa participa den eleccion dia 27 di September proximo.

E filial aki a wordo habri mas tanto pa afspraak pa passport, pero esaki ta keda den recess di dia 12 pa 20 di Augustus tanten e votantenan ta bin sostene e lista di nan preferencia. Esaki ta bay via un sistema di software caminda tur e datonan di e sostenedornan aki ta wordo registra. Nan ta bin cu nan I.D y via e sistema nan ta confirma cu tur e datonan cu ta aparece den e I.D ta den e registro di Censo tambe, y asina aki e partidonan por sigui nan caminda den e recaudacion di firma, y esaki ta regula pa un bewaker, segun Sharin Luydens. E horario ta di dialuna pa diabierna di 9 or di mainta pa 8.30 di anochi y tin suficiente personal pa atende esaki, cu por cierto ta un proceso cu ta cana den menos cu 3 minuut. Tambe tin personal specificamente pa wak si tin fout y coregi esakinan. Dia 21 di Augustus ta bay over pa e afspraaknan pa passport. Awor aki e Oficina di Censo cu nos tur conoce ta completamente yen. Directora di censo Sharin Luydens a splica cu nan ta atendiendo di 500 pa 600 hende pa dia.

Comentarionan (1)Add Comment
GSW
August 12, 2013
201.229.3.146
Votes: +0
...

mensen ban mustra hit94fm ta ken ta bai ta sigi cu e bon trabou e sigiente ana nan paso nan ta mal informa

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter