Wednesday, 30 July 2014
RED, UPP Y PPA buscando sosten pa yena e 551 firmanan pa por participa den siguiente eleccion Print E-mail
Monday, 12 August 2013 20:27

front 1023

E partidonan RED, UPP y PPA tabata representa den e filial di censo na Smith Boulevard, caminda antes tabata RBBT bank. Sr. Rudy Lampe a cuminsa diadomingo organiza su hendenan di RED pa bin firma e lista, pa asina nan por participa den e siguiente eleccion. El a bisa cu naturalmente e no por wak futuro kico ta bay pasae, pero el a mustra optimista cu hopi lihe lo yena su firmanan.

Rudy Lampe a splica cu nan ta evaluando e situacion pasobra dia cu nan a presenta cu un mascara di anonimus pa motibo cu nan topiconan ta controversial, awor nan tin cu mustra cara bin cu ID y firma, y esey lo ta un obstaculo pa diferente hende, pero e no ta kita cu nan ta haciendo un apelacion pa pueblo yuda nan cu e 551 firma, aunke tin hende cu no ta di acuerdo cu e topiconan di RED, ta djis e firma como ciudadan nan mester o pa asina e partido aki por participa y fortifica nos proceso democratico. El a bisa cu hopi hende ta haya cu ta bon pa na Aruba tin mas partido pasobra si un pais ta keda cu un solo partido, esey no ta bon pa e pais. RED lo ta tur dia den e anexo aki di censo pa mustra e votadornan cual ta e fila unda nan tin cu para pa asina no tin confusion. Booshi Wever, lider di UPP tambe ta den full movecion pa haya su 551 firma di sosten. E tambe a apela na pueblo pa bin duna nan sosten y por cuminsa cu e ciclo cu UPP ta yama informa y educa nos pueblo. Segun Booshi Wever, por mifa e discusion cu tin riba facebook entre e partidonan grandi riba ken tabata tin e parada mas grandi y e caroza mas bunita den entregamento di lista. E pueblo kier mira un programa y e unico partido cu tin un programa stabil y cu realmente ta na bienestar di nos comunidad ta UPP segun Wever a bisa. Via MSN y di telefon UPP ta convocando su hendenan y ya caba tin algun firma y mas hende cu a confirma cu nan ta bai bin pa firma. El a splica cu no tin nada fuera di lugar pasobra a habri dos bentana pa e hendenan di UPP. E ta pensa cu nan a premira cu e ta bay haya mas hende pa bin firma.UPP lo tey diai pa ricibi y e mes lo gradici cada firmante pa nan apoyo y sosten te hasta si nan no ta bay vota pa UPP. Di parti di Eddy Bennett di PPA el a haci un yamada na tur e sostenedornan di PPA si nan vota of no pa e partido, pa bin yuda nan cu firmanan pasobra e ta importante pa e democracia di Aruba. Bennett a bisa cu e lugar unda nan tin cu bin firma ainda no ta conoci den pueblo como un departamento di Censo, y esaki ta haci un tiki dificil, y nan mester a duna hopi splicacion prome cu e personanan por a yega na e edificio pa firma. Bennett a bisa cu mester a duna informacion di antemano, cu spots den television pa e hendenan sa bon e adres nobo. Sin embargo nan ta haci uso di facebook y pin pa manda informacion na unda precisamente nan mester bai pa firma y un boca ta bisa otro. El a splica cu normalmente den dos dia y mey mas tarda semper nan ta keda cla cu e firmanan y e ta kere cu awor tambe lo ta e caso. Segun sr.Bennett antes den censo bieu tabata mas facil y lihe pasobra nan tabata topa cu hende cu tabata bai Censo pa otro cos y nan tabata wordo acerca y nan tabata colabora di biaha, pero e biaha aki nan mester bai specificamente pa esaki na otro caminda.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter