Tuesday, 02 September 2014
Colegio EPI ta informa studiantenan tocante e prome dia di scol pa aña escolar nobo Print E-mail
Monday, 12 August 2013 14:49

epi logo nobo

Pa medio di esaki directiva y management di Colegio EPI ta informa studiantenan di tur unit ariba e prome dia di scol pa aña escolar 2013-2014. Studiantenan mester bin bisti cu nan uniform y trece prueba di pago di collegegeld (si en caso esaki no a wordo entrega ainda).

Siguientemente e fecha y orario di cada unit. Studiantenan di Unit Ciencia & Tecnologia di semester 1, esta e prome aña, ta wordo spera diaranson 14 di augustus pa 10or di mainta. Fechanan 14, 15 y 16 di augustus lo ta dianan di “intake”. Prome dia di scol pa studiantenan di semester 3 lo ta diahuebs 15 di augustus pa 8or di mainta. Prome dia di scol pa studiantenan di semester 7 lo ta diabierna 16 di augustus pa 8or di mainta.Unit Economia ta spera tur studiante diaranson 14 di augustus di 11or pa 12:30or di merdia, caminda lo haya tur informacion tocante mentor, rooster y intake. Unit Hospitality & Tourism opleiding Hospitality Management (FS) ta spera tur studiante nobo (FS3-1) na scol diaranson 14 di augustus pa 10or di mainta. Studiantenan existente (FS3-1-repeating class) ta wordo spera na scol diaranson 14 di augustus of diahuebs 15 di augustus, entre 1:30 y 4:30 di atardi. Pa e opleiding di Culinary Arts (IE) studiantenan di prome aña (IE3-1) ta wordo spera na scol diahuebs 15 di augustus pa 10or di mainta. Studantenan existente (IE3-1-repeating class) ta wordo spera na scol diaranson 14 di augustus of diahuebs 15 di augustus, entre 1:30 y 4:30 di atardi. Studiantenan di e di dos y tercer aña escolar di tur dos opleiding (FS3-2 y FS3-3 y IE3-2 y IE3-3) ta wordo spera na scol diahuebs 15 di augustus pa 1or. Unit Salubridad & Servicio ta spera tur studiante diaranson 14 di augustus, 12or di merdia, caminda cu lo entrega rooster y cera conoci cu mentor di cada klas. Docentenan ta wordo spera 8or di mainta. Pa mas informacion por yama scol na number di telefon 5258700, 5258701 of 5258720. Directiva y Management ta desea tur studiante hopi exito durante aña escolar nobo 2013-2014!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter