Monday, 20 October 2014
Rene van Nie y Edwina Henriquez lo tin di defende nan mes den Corte Print E-mail
Sunday, 11 August 2013 19:20

Ronny Wix

Den entrevista cu abogado mr. Ronny Wix, el a splica un tiki riba e caso di difamacion cu minister Otmar Oduber ta entama contra Rene van Nie y Edwina Henriquez. Nan a yama e mandatario pa corupto sin cu tin prueba pa esaki. E acusacionnan aki sin base not a aceptable na dado momento y a pidi ambos pa rectifica pero esaki no a sosode.

No ta exclui caso di danjo y perhuicio tambe. Abogado Wix a splica cu politiconan mester acepta critica y manera ta cana den boca di pueblo nan lomba mester ta hancho y den literatura tambe ta bisa cu politiconan por wanta critica, pero critica tambe tin limite y esaki ta ora e ta ser acusa di actonan ilegal sin cu tin prueba di esaki, ademas e politico no tin pakico tuma acusacionnan sin base. Abogado Wix a splica cu nan ta pidiendo Huez pa ordena e dos personanan aki rectifica tanto riba nan block di facebook como via corant y den dos corant. Edwina a haya un aanmaning pero el a referi na van Nie y esaki ta ratifica su palabra cu minister ta corupto y mucho mas y a bisa cu nunca e lo rectifica. Wix a splica cu pesey e no a haya aanmaning. E abogado a splica cu bo por bisa cu un politico no ta sirbi of cu e no ta funciona bon y bay mas leu cu esey pasobra e ta bo derecho di expresa, pero locual no mag ta acusa un hende di a haci hechonan castigable trate di corupto of ladron sin cu tin prueba y tampoco por insulta otro cu e unico meta di insulta y esaki a sosode den e caso aki. Edwina a acusa e minister via facebook unda e ta liber di duna su opinion y van Nie e abogado no sa precis si ta via facebook of su website. Como cu e medionan aki tambe ta publico e no ta stroba e abogado hiba e dos personanan aki Corte, no ta haci diferencia si nan ta lesa pa hopi hende of pa tiki. E abogado ta na haltura cu Edwina a skirbi den facebook cu e ta preparando pa defende su mes cu prueba contra e minister dia 23 di augustus. E fecha pa e caso di van Nie ainda e no tin cla.

Comentarionan (2)Add Comment
Mai
August 12, 2013
190.88.35.93
Votes: +27
...

Pakiko Otmar no ta buska Jan de Ruiter pa trese dilanti corte? De Ruiter a lastra Otmar na hit94 i na Tele-Aruba. Challenge Otmar pa hibe corte tambe. Pero Otmar ta keto keto, paso e sa cu e ta bai perde e caso ey. Pero Otmar ta prefera score punto politico prome cu election cu victimanan "fasil"....Qua cobarde e homber ey ta !!

Watapana di Oro
August 11, 2013
92.64.120.206
Votes: +15
...

Berguensa pa e fulannan aki. Specialmente e muhe aki semper ta sali retifica. Ainda bo no a siña? Abo no ta abogada di derecho humano, sino abogada di DEROTA humano. Acusa hende y lastra hende sin prueba, senora bo tin un imagen hopi vies y baho.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter