Wednesday, 03 September 2014
Seleccion U-15 Aruba a sali rumbo pa Cayman Island Print E-mail
Sunday, 11 August 2013 11:54

IMG 00001836

Diasabra mainta un grupo di 18 mucha di selecion U15, a sali rumbo pa Cayman Island pa representa Aruba den un campeonato organisa pa CONCACAF, cu lo tuma lugar na dicho pais. Tin 24 pais en total cu lo competi contra di otro den 4 diferente grupo. Aruba a cay den e grupo A y mester enfrenta, Cayman Island, Bahamas, St. Maarten, US Virgin Island y Bermuda. Dia 13 di augustus, Aruba lo hunga su prome partido contra di Bahamas, cual wega ta programa pa cuminsa 7:30 di anochi, mientras cu nan segundo partido, nan lo enfrenta St. Maarten dia 15 di augustus, cual partido ta programa pa cuminsa 3or di atardi.

E sigiente dia, esta dia 16 di augustus, pa 4:30 di atardi, Aruba mester enfrenta US Virgin Island, dia 18 di augustus Aruba lo enfrenta Bermuda, cual partido ta programa pa cuminsa 4:30 di atardi, mientras cu e ultimo partido cu Aruba tin pa hunga, lo ta encontra di Cayman Island mes, cual wega ta programa pa wordo hunga 7:30 di anochi riba dia 20 di augustus. Si Aruba logra gana su partidonan manera ta wordo pronostica, nos muchanan di seleccion U15 lo pasa pa e sigiente buelta, caminda cu e ganadornan di cada grupo lo enfrenta otro y despues di esaki lo pasa pa e ronda final. E 18 nombernan cu lo representa Aruba ta; Bryan Erasmus, Ethan Calister, Ryan Illes, Renny Werleman, Adrian Koolman, Jason Fontalvo, John Cicilia, Jeanpierre van der Linden, Denrick Lopez, Jamir Arends, Diqion Ras, Oscar Garcia Arias, Marvin Irausquin, Christopher Jansen, Christopher Leung, Hakeem Charles, Felix Abreu y Keano Maduro. Mientras cu nan lo wordo guia y dirigi dor di e head of coach cu ta Marvic Bermudez, assistente di coach Antonio Tromp, fysio terapista Fransisco Velasquez, cu asistencia di hefe di delegacion cu ta na encargo di Ursell Arends y sr Marcel Carrion como miembro di delegacion. Riba e foto por aprecia nos muchanan di selecion U15 cu a sali rumbo pa Cayman Island pa representa nos pais Aruba. Tambe AVB kier a gradici oficina di Turismo esta ATA, cu a regala nos selecion U15 suficiente T-shirts di Aruba, pa di e forma aki nan tur keda bunita uniforma durante nan viahe ida y vuelta como tambe durante nan estadia. Na tur es nan cu ta interesa pa sigui e desaroyo di seleccion di Aruba U15, por haci esaki atraves di e website di concacaf na ‘under-15 championship’. President di AVB sr. Richard Dijkhoff tambe tabata tey na aeropeurto internacional Reina Beatrix, pa desea e hobennan aki tur clase di exito cu nan competencia den nomber di bestuur completo di AVB.

album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter