Monday, 01 September 2014
Casonan di falsificacion di tarheta di credito resolvi y cinco persona deteni Print E-mail
Saturday, 10 August 2013 19:30

Credit-card CI
Polisnan uniforma, cu ta inclui Team Palm Beach (strandpolitie), a resolve un caso grandi di desfalco envolviendo un banda di criminal Venezolano. Riba diasabra 9 di augustus 2013, polisnan uniforma (Algemen Diensten) cu ta inclui Team Palm Beach (strandpolitie) a detene cinco Venezolano cu ta pertenece na un banda criminal cu ta operando pa basta anja caba na Aruba y Curacao.

E banda en cuestion ta trafica den clonificacion y falsificacion di credit card y tin basta tempo ta hit , tanto comercio di nos hermana isla di Curaċao como Aruba. E trabounan menciona a hiba na detencion di e siguiente sospechosonan: 

E homber FMRC nasi na Venezuela  21 maart 1979  

E homber JJBJ nasi na Venezuela 20 augustus 1976

E muher DAGE nasi na Venezuela 02 november 1990.

E homber AAAA nasi na Venezuela 19 JUNI 1983.

E homber  DRV nasi na Republica Dominicana  21 augustus 1984.

Despues di e detencion a hasi buskeda den nan cas y nan auto y eynan a haña masha hopi mercancia mes. Entre otro hopi perfume y aparatonan electronico hopi valioso. Tambe polis a haña e aparato electronico cu ta ser usa pa “skim” y masha hopi credit cards cu a ser clona of falsifica. E caso ta ainda bou investigacion pero nos kier, di awor caba, felicita e coleganan en cuestion pa e excelente trabou y sigura pueblo cu nan tin un Cuerpo Policial cu ta traha incansablemente pa asegura cu e pueblo ta haya e seguridad y servicio cu e merece.

Comentarionan (1)Add Comment
... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter