Saturday, 20 September 2014
Fecha oficial pa inscripcion di HAVO-4 y HAVO-Langtraject na Colegio San Nicolas Print E-mail
Thursday, 04 July 2013 17:22

news

Den un entrevista cu ing. Ralph Croes, decano di Colegio San Nicolas, el a duna di conoce cu entre tanto tur aanmelding di alumno pa HAVO-4 y HAVO-Langtraject a keda registra y evalua. Tur alumno cu ta cumpli cu e rekisitonan di admision a haya un luga na Colegio San Nicolas y a ricibi notificacion di esaki via e-mail.

Tur alumno cu no por haya admision na Colegio San Nicolas a haya notificacion di esaki. Dia oficial di inscripcion na Colegio San Nicolas pa HAVO-4 y HAVO-Langtraject ta DIAMARS 9 di juli 2013. Durante e anochi aki lo duna informacion di e mision y vision di Colegio San Nicolas y ta tene e inscripcion oficial. Nos ta pidi tur mayor y alumno pa acudi na ora (conforme e invitacion) y cu copia di tur documento rekeri. Esaki lo yuda pa e inscripcion bay mas lihe. Awo cu temporada di scol ta tras di lomba Colegio San Nicolas ta desea tur su alumnonan y tur otro alumno y docente un bon vakantie. Boso merece, p’esey sosega y disfruta hopi di e dianan liber. Un danki tambe ta bay na comision di mayor di nos scol pa e tremendo sosten cu nan a duna durante e aña escolar.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter