Monday, 24 November 2014
Ultimo dia di pa inscribi den competencia hubenil gang di arte 2013 ‘heroe’ Print E-mail
Thursday, 04 July 2013 16:28
Comparti
DSC_2063
Na tur hoben entre 14 cu 21 aña di edad cu ta interesa den arte y creatividad, diabierna, dia 5 di juli ta e ultimo oportunidad pa inscribi y partcipa den Gang di Arte 2013.

Algun exigencia pa participacion:

  • Competencia Hubenil Gang di Arte 2013 tin como tema principal ‘Heroe’ y cada hoben of grupo, mester interpreta esaki den un manera propio y creativo.
  • Cada presentacion no por ta mas cu 7 minuut y por ta den cualkier estilo y genero artistico y mester ta completamente nobo, original y creativo. No ta acepta ningun clase di copia.
  • Por participa den e competencia den forma individual of den grupo maximo di
    5 integrante.
  • Tur participante mester atende na diferente tayer y encuentro di integracion cu lo tuma luga na Atelier’s 89.

Nos ta cuminsa cu e anochi di inscripcion cu ta tuma luga diabierna, 5 di juli 2013, na Atelier ‘s 89 cuminsando pa 6:00 pm te cu 8:30 pm y ta termina cu e anochi final di competencia diahuebs, 25 di juli 2013, na Cas di cultura Aruba cuminsando for di 7:00 pm te cu 11:00 pm.

Inscripcion y participacion den e proyecto ta completamente gratis.

E grupo of persona ganado, lo bay representa Aruba den un intercambio artistico cu ta tuma luga na nos ruman isla Corsou, den e final di nan proyecto titula: “Luna Yen”.

E hoben of grupo ganado, lo representa pa un aña largo Gang di Arte y Aruba den diferente actividad, tanto nacional como internacional.

Pa mas informacion tuma contacto cu sr. Jhon Freddy Montoya na teatroaruba@gmail.com. Busca nos riba Facebook: gang di arte

Of pasa libremente durante oranan di oficina na Departamento di Cultura Aruba (DCA) situa banda di misa di Playa.

dowers dowers dowers
dowers   

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter