Thursday, 24 July 2014
Torneo di Pesca di team di hoben y adulto Dia di Piscado Print E-mail
Thursday, 04 July 2013 16:25
DSC_2063
Diadomingo awor atrobe ta celebra dia di piscado na Waf Chikito of Schoenerhaven na Waf di playa, patras di mercado di fruta y ex-mar azul. E aña aki atrobe tin oportunidad pa ekiponan di hoben cu adulto participa den e torneo di piscamento riba pier na ocasion di Dia di Piscado.

E pier di APA na Schoenerhaven lo ta yen di hende y emocion pa wak cual team ta bay cu e premio gordo. Famianan completo, gruponan di amigo, grandi y chikito, welo y nieto, tur lo pasa un rato sano y alegre piscando pa premionan atractivo atrobe.

Centro di Pesca Hadicurari den combinacion cu Departamento di Agricultura Cria y Pesca (Santa Rosa), Stichting Rancho y Personal di IBISA lo organisa e competencia, celebrando Dia di Piscado diadomingo awor. Inscripcion lo tuma lugar na e sitio mes diadomingo cuminsando for di 10’or.

Reglanan:

1.         Lugar y Orario di Torneo

E torneo lo tuma na Schoenerhaven diadomingo 7 di juli 2013, den e area di waf chikito na e pier mas pazuid. E orario di pesca ta di 11.00 di mainta te cu 12.00 di merdia.

2.         Inicio y final di e torneo

Desde 10.00 di mainta e lider di e team por cuminsa raporta personalmente na e punto central y ricibi su number di registracion pa su grupo y haya permiso pa cuminsa pisca pa 11.00 di mainta. Sin e number e grupo no por cuminsa cu piscamento. Pa exactamente 11.00 di mainta lo duna señal cu e torneo a cuminsa y liñanan por cuminsa bai awa. E final di e piscamento lo ta 12.00 di merdia y e lider mester entrega e number cerca e miembro di Comite Organisador apunta na e punto central y haya su beurt pa e por laga conta y midi su piscanan captura. Si e team no tin pisca pa conta y midi mester entrega e number tog.

3.         Manera di Pisca

E manera di pisca lo ta “all tackle”, pues mag di usa rod and reel, blaas, etc., pero no mag di usa palamber, reda, y otro methodonan cu no ta valido den torneonan di pesca.

4.         Piscanan Valido

Tur pisca ta conta pa e torneo cu excepcion di Congla y Tribon.

5.         Contamento y midimento di piscanan captura

Contamento y midimento di e piscanan captura lo tuma lugar na e punto central y lo cuminsa despues di 12.00 di merdia. Lo conta e total di piscanan captura. E ehemplar di mas largo y esun di mas chikito lo wordu midi . E midimento lo ta segun “Standard Length”, pues di nanishi te na e parti diki di e rabo. Pisca mutila no ta valido. Tur pisca captura ta keda pa e team y na final mester bai cu esakinan y no bentanan afor of laganan atras.

6.         Premio pa mas pisca captura

1.lugar lo haya un trofeo mas premio, 2.lugar lo haya un trofeo mas premio, 3.lugar lo haya un trofeo mas premio.

7.         Piscanan individual premia

Ehemplar mas largo un trofeo mas premio, ehemplar mas chikito un trofeo mas premio, ehemplar mas straño un trofeo mas premio.

8.         Provision General

Den caso di empate pa total di piscanan captura, desempate ta ser dicidi dor di e ehemplar mas largo. Si ainda tin empate lo midi esun mas chikito pa desempate y si no tin desempate ainda lo tira lot pa desempate. Den caso di empate pa e pisca mas largo of mas chikito, desempate ta ser dicidi dor di e total di piscanan captura. Si ainda tin empate, desempate lo ser dicidi a base di lot.

E pisca mas straño lo wordu disidi pa e Comite Organisador.

Den caso di protesta of algo no previsto den e reglamento Comite Organisador lo disidi y esaki lo ta e decision final.

9.         Descualificacion di team participante

E siguiente actonan por causa descualificion di e team participante: -acto contra reglamentonan di e torneo -falta di respet pa miembro di Comite Organisador

-comportacion inacceptabel -entrega di e number lat(despues di 12.00 di merdia)

-pasamento di pisca di un grupo pa otro(esaki ta descualificacion pa ambos grupo)

10.      Responsabilidad di Participante

Participantenan ta di acuerdo cu nan ta participa riba nan propio riesgo. Comite Organisador no tin ningun obligacion legal pa cu por ehempel dañonan, perdida, negligencia, accidente sufri of cometi durante/ of en coneccion cu e torneo.

11.      Inscripcion

Inscripcion pa team lo costa Afl.10,- pa cada team na e torneo. Teamnan por consisti di 3 hoben (bou 18 aña) cu 1 adulto (ariba 18 aña) of 2 hoben y 2 adulto of 2 hoben y 1 adulto of por forma team di 1 hoben y 1 adulto. Team sin un adulto no ta permiti.

Ta inscribi nomber di team y lider. Tambe mester nota nomber di e otro participantenan.

Cu inscripcion di e team, tur persona den e team por medio di e responsabilidad di e lider a acepta e reglanan aki.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter