Friday, 31 October 2014
RBC Royal Bank ta clausura e “RBC Blue Water Project” cu Prinses Amalia School na Sasaki Branch Print E-mail
Thursday, 04 July 2013 15:46
DSC_2063
Recientemente alumnonan di Prinses Amalia School di klas 5A y 5B, a bishita RBC Sasaki Branch pa e clausura di e proyecto  ‘Live and Let Live’ den cuadro di e ‘RBC Blue Water Project.

E “RBC Blue Water Project” tin como meta pa crea mas concientisacion di e uzo, importancia y como tambe proteccion di awa. Dos siman pasa Sr, Pierre Rafini, Area Vice President Business Banking di RBC, hunto cu Sr. Castro Perez di Aruba Reef Care a duna presentacion na Prinses Amalia School tocante e importancia di awa y con pa uza esaki di un manera responsabel y por ultimo con pa cuida nos rifnan.

Sr. Rafini a yama e alumnonan bon bini na banco y a puntra nan kico tur nan a haci na cas mes pa spaar awa y e alumnonan a conta kico tur nan a haci. Sr. Rafini a keda hopi contento cu e entusiasmo y e atencion di e alumnonan. Esaki sigur ta algo di admira.

Den cuadro di e proyecto ‘Live and Let Live’, e alumnonan a traha un obra di arte cu ta consisti di 3 cuadra unda nan a ilustra e diferencia entre un rif sano y un rif no sano door di tira sushi den lama. E bunita di e obra aki ta cu e muchanan a uza material recycla y nan a mustra nan creatividad. E alumnonan tambe a ricibi tips con pa spaar awa y a pone esaki den practica caba na cas.

E alumnonan por a wak un video traha door di empleadonan di RBC, Sra. Foo Moy Bennett-Chan y Sra. Angeline Tromp-Zievinger, cu a gana e prome luga di un video contest interno entre tur RBC na mundo riba Blue Water Day aña pasa. Despues nan a hasi un quiz cu e alumnonan cu a participa cu hopi entusiasmo.

Como parti di e proyecto e alumnonan mester a skirbi un storia cortico tocante dicon awa ta asina importante. Tur storia tawata hopi original y tawata dificil pa saca e ganador. Di cada klas a saca e prome, segundo y tercer luga y e alumnonan a ricibi premio. E ganadornan di e prome luga a gana tickets pa bai den Atlantis Submarine pa asina por mira y aprecia e rifnan y piscanan di cerca. Tambe tur alumno a ricibi un certificado di participacion den e RBC Blue Water Project unda awo nan por yama nan mes ‘water stewards’, esaki kiermen cu nan ta consciente di importancia di awa y ta uza esaki responsabel. Tambe tur alumno a ricibi un water bottle re-uzabel pa asina uza menos botter di plastic cu ta daña nos medio ambiente.

Na final a clausura e proyecto cu un donacion di Afl. 1000 na Prinses Amalia School pa yuda e scol cu e proyecto di ‘leervolgsysteem’ cu nan kier implementa na scol.

RBC Royal Bank (Aruba) N.V. ta hopi orguyoso di por a aporta na concientisacion di uzo y proteccion di nos awa y rifnan y ta spera cu di e forma aki a contribui na un mihor formacion di nos comunidad encuanto proteccion di nos medio ambiente, cual awa ta forma parti di dje.

Riba e portretnan adhunto por mira Sr. Rafini, Sra. Bennett-Chan, Sra. Tromp-Zievinger y Srta. Maya di RBC, Sr. Perez di Aruba Reef Care y alumnonan y juffrouwnan di Prinses Amalia School.

dowers dowers dowers
dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter