Thursday, 30 October 2014
Forma un grupo cu famia y amigo y participa na e programa di vakantie di Museo Arqueologico Print E-mail
Thursday, 04 July 2013 14:08
DSC_2063
Preparacion ta den full swing pa e programa di vakantie 2013 na Museo Arqueologico cu ta cuminza 9 di juli proximo. E campnan di vakantie ta hasiendo bon uso di e oportunidad mescos cu mayornan cu ta inscribi nan yiunan den e ‘museumcamp’. Tin alrededor di 7 camp inscribi cu mas di 500 mucha caba y e ‘museumcamp’ tambe ta practicamente yen.

Manera ta un tradicion ya pa 16 aña caba Museo Arqueologico ta ofrece den e vakantie aki atrobe un programa recreativo banda di su exposicionnan habitual. E aña aki e topico ta ‘Mi ta Bibo, Boc’i Brik’ rond di cual tin actividadnan entretenido cu ta fomenta un desaroyo creativo di tur participante. E actividadnan ta varia y ta encera e.o. traha bo mesun boto, explora e salanan di exposicion pa haya ‘tesoronan’ scondi, test bo memoria cu un wega tocante e barco ‘Hero’ cu a sink durante un horcan, dilanti Andicuri, na 1886 y hopi mas.

E programa ta ser adapta dependiendo e cantidad y edad di participantenan P’esey ta posibel pa gruponan chiquito di famia y amigonan tambe participa. Publico ta ser encurasha pa forma un grupo di minimo 10 mucha y/of hoben y inscribi na Museo Arqueologico pa participa na e programa. E programa ta dura maximaal 2 ora y costonan ta minimo. Si bo grupo ta mas chikito bo por cumpra un ‘speurtocht’ na balie di Museo pa 1 florin y hasi bo bishita na e exposicion mas entretenido. Museo di e manera aki ta desea di colabora cu mayor, tanta, omo, welo y welanan cu den vakantie ta tuma e guia di mucha y hobennan di famia, bisiña y amigonan pa un dia of mas y ta busca algo leuk y sano pa hasi hunto cu nan.

Participacion na e programa di vakantie di Museo Arqueologico ta posibel di 9 di juli pa 2 di augustus. E prome dos simannan ta ‘draai’ e programa pa campnan di vakantie y e dos ultimo simannan ta tene e ‘museumcamp’. Ta esencial pa yama Museo na telefoon 582-8979 y hasi un cita pa participa na e programa. Un danki na voluntarionan y Ministerio di Cultura pa yuda Museo ofrece e programa di vakantie 2013 aki.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter