Wednesday, 23 April 2014
Conmemoracion di 150 aña di abolicion di sclavitud Print E-mail
Wednesday, 03 July 2013 22:27

front

Sala di Biblioteca Nacional Aruba a yena completamente cu hende interesa den e programa organisa pa Fundacion Amigonan di Archivo, Fundacion Lanta Papiamento. Departamento di Cultura, Biblioteca Nacional Aruba y Archivo Nacional Aruba.

Un programa varia cu hopi informacion presenta na diferente forma a percura pa un atencion tenso di e publico. Cada presentacion, tanto informativo como artistico, a trece aspecto di sclavitud dilanti cu a yuda engrandece conocemento di nos historia y cultura y alaves conscientisa nos di un fenomeno tristo, cu semper a y ta core manera un liña cora den historia di humanidad.

A habri e anochi cu presentacion di Grupo di Tambu Sodo y Cuero cu a crea un ambiente unico mesora.

Gwendy Sneek a presenta cu hopi profundidad e poema Awe 1e di juli 2013 cu Munye Oduber-Winklaar a skirbi specialmente pa e dia ey. E poema ta trata di e historia scondi dera den historia.

Rosa Arends MA a duna un preludio di e publicacion di e manuscrito “Registro di Catibonan pa wordo libera na 1863” . E documento aki y tur e informacion cu e ta contene a hera bay perdi pa semper, si un empleado di Archivo Nacional Aruba no a rescat’e for di un monton di sushi cu tabata cla pa bay dump. Señora Arends a ilustra e balor di e buki aki cu informacion hopi valioso di su propio famia. Pronto e manuscrito aki ta accesibel pa pueblo.

Ramon Todd Dandaré Mag. Ling. a tene un charla interesante titula Sclavitud y Papiamento cu a cuminsa cu un splicacion di e parti historico di Papiamento. Señor Todd a trata e ruta di traficacion di catibo di costa occidental di Africa pa e otro banda di Oceano Atlantico, e conexion cu e islanan di Cabo Verde y origen y desaroyo di Papiamento, pa yega na e caracteristicanan Africano den e aspectonan lexico-semantico, fonologico y morfosintactico di Papiamento. El a ilustra esakinan cu ehempel cu tur hende por a reconoce.

Asociacion Coral Ars Nova cu ta bou di e direccion excelente di Mayra Kock-Garrido a canta Songs of Protest and Praises, un serie di cantica di protesta Sur Africano contra Apartheid y Ise Oluwa, un cantica folklorico Nigeriano. E presentacion coral aki tabata impresionante.

Gregory Richardson MSc a enfoca den su charla Slavery and identification on Aruba: the case of San Nicolas riba e relacion entre e migrantenan di Caribe y nan herencia Caribense Africano prome cu e periodo di Lago den nan pais di origen. El a encurasha e gruponan aki pa haci mas estudio riba e tereno aki y pa ta mas activo den e debatenan tocante e tema di sclavitud.

Emerita Emerencia MA a presenta e cuenta dramatico Bibo ... den mi DNA nan ta ... cu a pone e presentenan den un ambiente di cuenta di Nanzi: un bunita storia cu ta conta con sabiduria di Africa a plama rond mundo.

E ultimo charla Kind van de Rekening: Kinderen in slavernij op Aruba tabata na encargo di Dr. Luc Alofs. Señor Alofs a duna informacion tocante e situacion di e muchanan catibo na Aruba prome cu abolicion di sclavitud. Su informacion tambe ta basa riba dato haya den archivo di Aruba. Den forma di un quiz el a test conocemento di e presentenan cu di e manera aki por a participa activamente.

Despues tabatin un ñapa den forma di dos poema cu señor Roberto Croes a skirbi, tambe specialmente pa e dia aki.

Grupo di Tambu Sodo y Cuero a cera e anochi interesante aki cu tabata na satisfaccion di tur e presentenan y di e organisadornan.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter