Thursday, 31 July 2014
Minister Ing. Mike de Meza na e hungadonan di La Fama: Boso tin tur cualidad, bay pe! Print E-mail
Wednesday, 03 July 2013 20:01

front

Net prome cu nan subi veld pa hunga contra e ekipo di Britannia, Minister Ing. Mike de Meza di Finanza, Comunicacion, Utilidad y Energia a topa cu hungadonan di La Fama den nan camerin na Stadion Guillermo Prospero Trinidad. Esaki ta di 3 bes den e ultimo 4 añanan cu e ekipo ta yega te final, pero nan ta determina pa e aña aki bay cu e titulo di campeon di futbol di Division di Honor.

Minister Ing. Mike de Meza tabata contento di por a topa cu e grupo di hungadonan di la Fama, mas o menos 30 hoben cu ta varia den edad di 17 aña y cu ta hungando futbol cu hopi pasion. Nan a haci un bon trabou durante e campeonato, te cu a hiba nan na e wega final aki contra Britania. Nan a topa tres bes caba cu e mesun ekipo aki, di cual a gana un biaha, a perde un biaha y a empata un biaha. Esun cu gana awor lo ta e campeon, sino lo hunga diasabra awor den caso di un empate. E ekipo di La Fama ta existi desde aña 1938 caba, pues tin 75 aña di existencia. Siendo un ekipo cu ta bini di Pariba di Brug, nan ta determina pa hiba e trofeo e aña aki pa e otro banda di nos isla. E ultimo biaha cu un team di futbol di Pariba di Brug a gana e titulo di campeon, tabata na aña 1985. Esey tabata e ekipo di San Luis Deportivo. Pues desde cu Aruba tin su Status Aparte, nunca un ekipo di Pariba di Brug a logra hiba e trofeo “pariba”. Minister Ing. Mike de Meza a papia un rato cu e hungadonan, a duna nan hopi motivacion pa nan haci tur esfuerso pa tene cara di esunnan di pariba di brug na halto. El a repasa e tantisimo proyectonan deportivo cu e Gobierno aki ta ehecutando precisamente pariba di brug. A splica e hungadonan cu e hungadonan di Britania ta mes bon cu nan, sino nan no a yega dje leu ey. Locual mester sigura ta cu nan no ta “miho” cu e ekipo di La Fama, pa cual a corda e hungadonan pa no perde ningun oportunidad riba veld, pasobra tene cuenta cu e otro ekipo ta mes bon cu nan. Giovanni Croes, Manager di e ekipo a gradici e mandatario pa e atencion special y a pidi su intermediacion pa yuda logra yega na fondo for di sector priva pa yuda e ekipo. Minister Ing. Mike de Meza a bisa e hungadonan pa nan haci nan best durante e wega y si nan gana, e tin un sorpresa grandi pa nan. Bou di aplauso y cu flanel di La Fama bisti, Minister Ing. Mike de Meza a bandona e camerin cu un promesa di e hungadonan cu nan ta bay pa gana Britania durante e wega final di futbol Division di Honor.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (2)Add Comment
bochixhi
July 04, 2013
201.229.37.231
Votes: +0
...

mike dus bo ta apoja la fama no britania?esey no kier min bo ta hana e voto nan di savaneta.

campeon!!!!
July 03, 2013
201.229.73.98
Votes: +1
...

Tur cos cu tin berde aden ta campeon, pabien La Fama!!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter