Friday, 31 October 2014
Prome Minister Mike Eman: Awe Hulanda ta traha cu nos cu smaak pasobra ta admira e vision y respet di Aruba Print E-mail
Wednesday, 03 July 2013 20:30

1

E progreso di e relacionnan di Aruba den Reino y specificamente cu Hulanda, ta sigui mustra su frutonan positivo. Den e biahe cu Minister President a haci e siman aki, el a ricibi e rapport final di un grupo di trabou trahando riba e introduccion di sistema di pre clearance pa Europa. E prome mandatario di nos isla ta wak e trabou aki y, mas ainda, e disponibilidad di e autoridadnan Hulandes pa su ehecucion, cu un muestra cla y raspa y di e confianza grandi cu ta existi entre e nacion Europeo y nos pais.

Esaki ta reenforsa mas e vision di Gabinete Mike Eman pa haci di Aruba un gateway entre e continente bieu y Latinoamerica, cu na su luga ta bay beneficia Aruba economicamente. Un hecho di e magnitud aki no tabata posibel ni cuater, ni seis, ni ocho aña pasa pasobra simplemente e gobierno na manda e tempo ey, no kier a wak mas leu cu nan nanishi y tabata sinti cu nan no tabatin mester di traha cu ningun hende, menos Hulanda, maske esey por a nifica un bienestar pa Aruba y su hendenan. “Esaki ta algo grandi y importante y mi ta relacion’e bek na e trabou grandi cu a wordo haci pa nos drecha e relacionnan den Reino. Nan ta haci cu awe nos tin Ministernan Hulandes y Secretarionan di Estado na Hulanda cu ta traha cu smaak cu gana pa por realisa cosnan pa Aruba pasobra nan ta admira y aprecia e liña di pensamento constructivo; e forma con Aruba a carga su propio sociedad, a surpasa su propio retonan pero semper cu respet, tratando otro cu e dignidad necesario pa por cosecha admiracion y respet tambe. Mi ta hopi contento,” asina Prome Minister Mike Eman a declara cu hopi emocion for di Hulanda. “Pabien pueblo di Aruba pa e prome stap cu nos a pone pa realisa algo cu no tin na ningun otro parti di mundo. Dos pre clearance, un di Merca y un di Europa riba e isla chikito aki cu yama Aruba.” Un MOU entre Aruba y Hulanda a produci un rapport cu no solamente ta wak posibel, pero ta conseha ambos partido pa introduci na Aeropuerto Internacional Reina Beatrix un sistema di pre-clearance caminda e pasaheronan cu ta biaha den direccion pa Europa y Hulanda via nos isla, por pasa Inmigracion y Douane Europeo na Aruba mes y ora nan yega, ya nan ta cla. Esaki ta similar na e proyecto haci bou Gobierno di Henny Eman caminda a introduci pre-inspection Mericano. “Tur esaki tin di haber cu e forma con nos a bin ta trahando profilando nos pais Aruba como uno cu ta busca cooperacion, formulanan unda cu tur pais por sinti cu nos ta un socio di confia cu tin un vision, sa unda e kier bay y tambe ta ofrece oportunidad na e socionan aki pa ta parti di cosnan hopi importante.” Ademas di Gobierno Hulandes, e proyecto aki ta conta cu participacion valioso di Schiphol Group y KLM tambe. E siguiente paso ta pa haya aprobacion di Union Europeo pa por cuminsa ehecuta e pasonan necesario.

gallery1 gallery1  

Comentarionan (2)Add Comment
gucci
July 05, 2013
190.88.212.28
Votes: +0
...

Bo,por stop di ganja. Homber grandi bo ta!

Bai wak pa bo mes...............
July 03, 2013
201.229.73.211
Votes: +6
...

....klaro Mike ta un bende-patria, entregista y mucha manda.
....e no tin yiu ni nieto pa preocupa pa nan futuro.
....Mike ta stima e Hulandesnan, mas cu nan ta stima nan mes.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter