Wednesday, 30 July 2014
Minister Ing. Mike de Meza: Sosten unanime den Parlamento pa Cuerpo di Aduana por para riba propio pia Print E-mail
Wednesday, 03 July 2013 20:32

mdm sosten

“E ta algo cu pa hopi aña a papia di dje, pero semper tabatin un motibo dicon no. Sinembargo despues di hopi trabou, nos a keda cla cu e separacion di e dos departamentonan aki”, asina Minister Ing. Mike de Meza a duna di conoce despues di e reunion den Parlamento. Den forma unanime a sostene e cambio den ley, aunke cu Fraccion di MEP, consistiendo di solamente 2 miembro, a opta pa bandona sala ora di vota.

Consecuentemente ta fraccion di AVP y miembro independiente Marisol Lopez-Tromp a sostene e ley aki. Ora papia di separacion, ta referi cu antes tabata existi Direccion di Impuesto y bou di dje tabata resorta Inspeccion di Impuesto, Ontvanger der Belastingen y Cuerpo di Aduana. Cu e cambionan nobo, lo no existi un Direccion di Impuesto mas sino solamente Servicio di Impuesto y Cuerpo di Aduana. Cada un cu su propio directiva, cu nan propio presupuesto y ta raporta directamente na e Minister di Finanza. Pa por ehecuta e separacion aki mester a haci algun cambio den e ley existente, di cual esey a sosode den Parlamento ayera. Minister Ing. Mike de Meza ta considera cu e debatenan den Parlamento tabata interesante. Solamente e ta lamenta cu Fraccion di MEP a bolbe purba hunga politica cu e asunto aki. E mandatario a condena e forma con Parlamentarionan Ruiz y Thijsen a purba bagatelisa e motibonan cu e Duaneronan a duna semper pa por a bira independiente. Minister Ing. Mike de Meza a contraresta e ponencianan ayera den Parlamento den forma publico, cu a conduci na sosten di un e mayoria absoluto durante e reunion. Di e forma ey e departamentonan awor lo mester sigui traha riba nan mes, cu nan propio maneho, vision y metanan padilanti. Na final tur ta traha na bienestar di pais Aruba y ta pa sigura entradanan di Gobierno. Minister Ing. Mike de Meza tabatin palabranan di felicitacion pa ambos departamento, specialmente pa e Duaneronan cu a lucha pa esaki durante hopi aña y cu awor ta mira un soño bira realidad.

Comentarionan (3)Add Comment
Yuuup
July 04, 2013
74.82.64.22
Votes: +0
...

@Reaper. Bosa, mi nota bai baha mi mes na bo nivel di insulta of rebaha hende mane abo y bo partido si ta hasi. Ami ta pone mi comentarionan aki cubo abo gusta of no. Nota ineresami. Esei bo lider ta jama core campanja limpi? Ata prueba a bolbe sali, bo lider a bolbe ganja anto ami bo kier ataka. Stop ohm, grow up.

REAPER
July 04, 2013
201.229.29.195
Votes: -1
...

@Yuuup

Please bai scol bek y caba bo basisschool.

Danki.

Yuuup
July 04, 2013
74.82.64.20
Votes: -3
...

Esei ta di spera di e 2 parlamentarionan di oposishon. Porta nan no a compronde e linja di partido bon y pa miedo di hasi un fout a prefera di keda sin vota mescos cu nan lider. Pero laga si algo malo bai den douane, dibiaha e lider ta jama pa discurso nacional. Nos sa nan hugada caba, den parlamento nan no kier traha anto pafor ta core duna show. Cuanto vale el show.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter