Friday, 19 December 2014
Gobierno: Miles di persona na Hulanda por mira “e progreso cu Aruba ta haciendo y ambicionnan cu Aruba tin” Print E-mail
Wednesday, 03 July 2013 20:14
Comparti

front

E miles di personanan cu ta bishita stadhuis di Den Haag, pa un siman largo lo haya un bista di tur e trabou grandi cu Gabinete Mike Eman a haci caba y otronan cu ta den ehecucion na Aruba. Esaki despues cu diamars den oranan di atardi (ora di Hulanda) Prome Minister Mike Eman hunto cu Minister di Infrastructura Integracion y Medio Ambiente, Benny Sevinger, y Burgemeester Jozias van Aartsen a realisa apertura di e expo “Jouw Aruba” den presencia di un grupo grandi di invitado.

Prome cu e exposicion aki a habri, ya caba Prome Minister Eman a logra capta atencion di prensa na Hulanda despues cu nan a tende di tur loke e Expo ta encera y e mandatario a bay den un entrevista di un ora na radio cu e Arubiano Fernand Hallman, di San Nicolas, pero bibando na Hulanda pa añas caba. Den e entrevista aki a papia extensamente di tur loke Gabinete Mike Eman ta haciendo pa Aruba, pero principalmente pa e habitantenan, e hubentud di e pais. Na final di e entrevista a papia di tur loke ta wordo exponi den e exposicion “Jouw Aruba” cu ta refleha e plan, ‘Bo Aruba’, pero tambe trabou di Gabinete Mike Eman. Hopi cu a yega di bay Den Haag no por a keda sin tuma nota di Stadhuis di Den Haag, un edificio grandi impresionante den centro di e ciudad, caminda tambe ta ubica e Biblioteca principal di e ciudad. “Pa luna tin miles di persona ta circula den e edificio aki,” Prome Minister Eman a indica, splicando e motibo pakico a pone e Expo “Jouw Aruba” den e area aki. Gobierno di Aruba a haya un espacio central den e sala principal, cu ta visibel na entrada. Na e ocasion di e apertura Premier Eman a mira cara di hopi studiante y Arubianonan cu tin hopi aña bibando na Hulanda. Despues di e apertura ta masha hopi hende a probecha pa drenta e sala pa admira e ultimo desaroyonan na Aruba, proyectonan cu ta den ehecucion, pero principalmente unda kier yega, kico kier logra. “Loke “Jouw Aruba” ta expone ta e vision cu Aruba ta desaroyando na e momentonan aki riba tereno social, economico, e cambionan fisico, renobacion di bario y edificionan historico, pero tambe e proyectonan pa introduccion di energia alternativo, ... tur discurso cu a forma parti di pone Aruba riba mapa pa e vision cu nos tin, ta forma parti di e exposicion. E ta haci un impresion masha grandi riba esnan cu ta wak’e. E ta mustra e progreso cu Aruba ta haciendo y ambicionnan cu Aruba tin. Pero specialmente e ta haci nos studiantenan hopi orguyoso pa mira con nan pais ta canando dilanti den asina hopi aspecto, cu den henter Reino tin admiracion pa loke ta wordo haci.” Den e exposicion, cu a wordo hinca den otro door di Ir. Raffy Kock di Infra-Team, por mira y scucha tambe segmento di conferencianan importante cu a tuma luga na Aruba. E expo ta wordo combina cu un website cu a wordo lansa bou di e nomber www.jouwaruba.nl, cu ta uno masha interactivo. Henter e exposicion ta poni tambe riba e website ya menciona, por si acaso un persona no logra pasa henter e sala. E informacion riba e website ta uno hopi eficiente unda cu e usuario por “click” riba e aspecto cu e ta interesa den dje y haya tur informacion y entrevistanan duna relaciona cu e tema ey. E exposicion lo pasa rond Hulanda den e proximo lunanan, bishitando e ciudadnan mas grandi. “Jouw Aruba” a cuminsa na Den Haag dia 2 di juli, contando cu presencia di Burgemeester Jozias van Aartsen, na e apertura di e expo cu lo keda te cu 8 di juli. E fecha y ciudadnan cu “Jouw Aruba” lo bishita despues ta: For di 9 pa 18 di juli den Beurs di Berlage; 19 te cu 29 di juli na WTC di Rotterdam pa finalisa pasando e ultimo siman, for di 30 di juli te cu 5 di augustus na Atelier Tilburg, sala Goretti. Entrada na tur e exponan ta gratis.

gallery1 gallery1 gallery1
gallery1   

Comentarionan (3)Add Comment
seedee
July 04, 2013
94.209.126.63
Votes: +1
...

Please lesa e relato. Gobierno: Miles di persona na Hulanda por mira “e progreso cu Aruba ta haciendo y ambicionnan cu Aruba tin”

E ta un expositie cu miles di hende na hulanda ta bai hanja e oportunidad pa WAK e progresso di Aruba!

BON TRABOU, AINDA FALTA

magalie
July 04, 2013
201.229.117.167
Votes: +1
...

ie avp a biesa e mieles die arubiano na kwanto aruba debe awor .dankie

jemes
July 04, 2013
84.104.92.198
Votes: +3
...

den awemainta e corant di toko ta pone miles de henda aki na hulanda nos ta bisa een handje vol mi no ten nada conta e partido avp pero mester bisa e berdad.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter