Sunday, 23 November 2014
Gobierno: Sesion di informacion tocante MFA Savaneta pa companianan di construccion interesa Print E-mail
Wednesday, 03 July 2013 19:30
Comparti

mfa savaneta

Gabinete Mike Eman kier recorda tur compania di construccion cu awe lo tin e mainta di informacion na ‘Dr. Edward Cheung Center for Innovation’ riba Sasaki. E mainta di informacion ta tuma luga for di 10.30 pa 12’or di merdia y ta habri pa tur compania cu ta interesa pa participa den e destaho publico pa construccion di e Facilidad Multi-Funcional (MFA) na Savaneta.

Ya caba e mainta di informacion pa e proyectonan di Noord y Paradera a tuma luga. Proximamente e proyectonan di MFA ta yegando su fase di bay destaho publico pa su ehecucion. Den cuadro di esaki, Gobierno di Aruba a organisa tres mainta di informacion di cual e ultimo ta tuma luga awe. Den e sesion di awe mainta ta bay ta presente e arkitecto encarga cu e diseño di MFA Savaneta, esta Serge Ivar Thijsen, kende lo suministra tur detayenan tecnico di construccion di MFA Savaneta. Representantenan di e companianan di construccion ta haya un splicacion amplio di kico e proyecto di MFA ta encera, y kico kier logra cu e tipo di edificio aki. E intencion ta pa e contratistanan interesa probecha di presencia di esnan envolvi den e proyecto, pa haci tur pregunta necesario. Di e manera aki nan ta bon prepara ora cu e fase di destaho publico, den e caso aki di MFA di Savaneta, cuminsa.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter