Saturday, 22 November 2014
Santa Rosa & Hadicurari den full preparacion pa un otro celebracion unico na Waf di Playa Print E-mail
Wednesday, 03 July 2013 15:56
Comparti
DSC_2063
Manera tur hende por corda ainda, e Celebracion di Dia di Piscado aña pasa na Waf Chikito a surpasa tur expectativa pa cual motibo Minister Oduber a dicidi pa e ana aki atrobe duna su aprobacion pa e por wordo organiza na waf di playa, conoci como e waf di Schoenerhaven na unda cu den pasado por a cumpra tur sorto di fruta y berdura fresco.

E actividad lo inicia for di 10or di mainta cu e popular Mercado di Santa Rosa cu lo trece un ambiente diferente caminda cu nos hendenan lo tin e opportunidad di bini hunto y disfruta di un dia di famia den un ambiente crioyo y asina sostene nos productornan local. Durante e mercado lo tin diferente productonan fresco saca for di e suelo di Aruba como tambe diferente carni fresco, otro productonan herbal sin laga afo e diferente standsnan di cuminda crioyo y un bar bon surti cu tur sorto di bebida natural y otro bebidanan pa kita sed.  

Manera tur aña di e celebracion di Dia di Piscado ta combina cu un tremendo torneo di Pesca. Salida pa tur participante ta for di cualkier otro pier caminda cu e participante su boto ta mara. Hora di salida ta 4:30 di mainta y pa 4’or di atardi tur boto mester ta paden na Wak Chikito pa asina por hasi e pesahe. Miembronan di Centro di Pesca Hadicurari y tambe di Santa Rosa lo ta presente pa asina controla tur Pisca cu drenta pa hasi conteo y midimento. Na final di e torneo lo anuncia e ganadonan y hasi entrega di e respectivo premionan.

Pa loke ta trata Mercado Santa Rosa, esaki ta cuminsa for di 10’or di mainta te cu 5 or di atardi. Durante e Mercado, nos productornan lo bende nan productonan na e bishitanenan riba e dia aki y nos ta spera cu e hotelnan, companianan di tour, taxistanan por hasi huzo di e opportunidad aki pa invita e bishitantenan internacional pa pasa un rato ameno hunto cu nos hendenan den un celebracion crioyo specialmente pa nos Piscadornan di Aruba. Manera nos a menciona anteriormente, lo bay tin productonan fresco manera entre otro Fruta y Berdura, lo bai tin tambe diferente Mata di Fruta y Artesania. Pa esnan cu ta gusta, lo bay tin un variedad di cuminda Crioyo, platonan di lama bon prepara na gusto di un y tur. Animacion musical lo ta henter dia di diferente grupo popular pa tur presente por baila y gosa engrandece e celebracion di Dia di Piscado. Tin grupo di baile cu tambe lo hasi presentacion di bailenan folklor cu dedicacion special na nos piscadonan. Premionan lo wordo entrega na e ganadonan di e Torneo di Pesca. Tanto na e ehemplarnan di mas grandi y tambe na mayor kilahe di e torneo. Tene bon cuenta cu e caminda dilanti di Café Padock lo ta sera te cu e pier di Waf Chikito riba e dia aki pa asina e activida por tuma lugar.

Pa medio di esaki Minister Otmar Oduber conhuntamente cu henter e famia di Santa Rosa y Centro di Pesca Hadicurari tin e grato placer di invita henter e pueblo di Arubacomo tambe tur nos bishitantenan pa bin celebra cu nos diadomingo awor dia 7 di July cuminsando for di 10’or di mainta pa celebracion grandi di nos piscadonan cu ta Dia di Piscado na waf di playa.

dowers dowers dowers
dowers dowers  

Comparti
Comentarionan (1)Add Comment
l**o di awa
July 03, 2013
201.229.79.119
Votes: +3
...

Lo ta bon pa nan bende nan di biaha ku pueblo na un bo price e dia ey
no bende ku rebende dor nan ku ta mata nos depues ku prijs masha halto mes.Danki

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter